Mateo 13:44 - Tachi Ak'õre Pedea

⁴⁴ Pajãne Bɨpa ichidirã ichi juade ua bɨt'a erreara yoorode mẽra bɨda jĩra bɨma. Mãɨ erreara ẽpẽrapa unuk'ari mẽra bɨsima chi badamá. Maapae arapá wãk'ari jõma ichia uru bɨ netok'ari maapae chi ĩjũa atasima.

Mateo 13:44 Iomraidhean Croise

Mateo 13:24

Maapae Jesupa mãicha nepɨrɨsima ne jarateai k'orea: «Pajãne Bɨpa ichidirã ichi juade ua bɨt'a nãɨ jĩra bɨma. Ẽpẽra basima. Mãɨ ẽpẽrapa ichi ĩjũane trigo tau pia uusima.

Mateo 13:46

Mãɨya bɨde aba minachia pia k'ɨrɨ chi neepɨa bɨ unusima. Ara mãɨne ichia uru bɨ ãarea netok'ari mãɨ atasima.

Mateo 13:47

»Pajãne Bɨpa ichidirã ichi juade ua bɨt'a t'ɨri jĩra bɨma. T'ɨri bat'adak'ari, beta wawaria peapatama.

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Mateo 19:27

Mãɨne Pedropa Jesua jarasima: —Taipa ne ãarea ameesidama pɨ ome wãnai k'orea. ¿Mãɨya bɨpɨra k'ãre nepia ununaima?

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Luca 14:33

»Ara mãɨ jĩra mɨ ome p'ɨrrɨai naena mãranepemapa abaɨpa ne ãarea itu bɨi k'orea k'ɨ̃risiaepɨra mɨ ome p'ue nipaiwẽma.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.