Mateo 13:12 - Tachi Ak'õre Pedea

¹² Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Mateo 13:12 Iomraidhean Croise

Mateo 25:29

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Marco 12:9

Mãɨpuru chi ne uu ĩjũa chiparipa ¿k'ãre ooima? Ará wãk'ari ãchi ãarea k'enak'ari maapae ichi uva k'ãena awaraɨrã́ ak'ɨpiipɨ.

Luca 10:42

Maamina ¿Tachi Ak'õre pedea ũrii pia bɨwẽk'ãra? Mãɨ Mariapa oo bɨma. Abaɨ pida ichiá mãɨ oowẽa bɨade adaiwẽma.

Luca 12:48

Maamina chi ichi pae pari mimiaparipa atua bɨdepa chi chiparipa jara bɨt'a piawẽa oosira mãɨ ichi pae pari mimiaparí ãpia puru soapa p'eipɨ. Piarã Tachi Ak'õrepa waapẽarã́ waibɨa tea bɨma ichi pae oodamẽrá. Chi waibɨa jitadaɨrãpa ichi pae waibɨa oodai pia bɨma.

Luca 16:2

Mãɨ k'orea chi chiparipa ichi t'ɨ̃k'ari nãɨya ɨtɨasima: “Pɨa mɨ erreara jõpiyá bɨt'a mɨa ũrisima. Pɨa ooda mɨ erreara ome k'art'ade ak'ɨpise, pɨ waa mɨ neet'á ak'ɨparí baiwẽ pẽra”.

Luca 16:25

Maamina Abrahanpa p'anoosima: “P'ue peeiwẽma. Warra, k'ɨ̃risiase pɨ pia bapachima chok'ae basieda; mãɨpari Lázaro chupuria bapachima. Idi Lázaro ne k'ɨ̃risiawẽa bɨma, mãɨne pɨ minachia mĩa bɨma.

Luca 8:18

Mãɨpuru minachia jĩrak'aua ũri p'anat'ɨ. Abaɨ pida Tachi Ak'õre k'orea piarã k'awaipɨra, Tachi Ak'õrepa atepe k'awapiipɨ. Maamina chi atua bɨpa Tachi Ak'õre k'orea k'awa bɨ k'ɨ̃risiaipɨra ichia k'ɨ̃risia bɨ sida Tachi Ak'õrepa mãɨ ãarea ẽemariipɨ».

Luca 9:26

Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ.

Santiago 4:6

Maamina Tachi Ak'õrepa ichi sõpiadepa tachi minachia k'aripa bɨma. Mãɨ k'orea Ichi Pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

Apocalipsi 2:5

Mãɨpuru mãrapa naa k'ɨ̃ria uru p'anana mãɨne k'ɨ̃risiat'ɨ. Mãicha Tachi Ak'õremá chet'ɨ. Nepia oot'ɨ naena mãrapa oopachida jĩra. Mãra mãicha Tachi Ak'õremá chedaepɨra, mɨa mãra ɨtɨade wãipɨ. Mãɨne mãra ĩpira ãyá bɨipɨ.