Mateo 11:8 - Tachi Ak'õre Pedea

⁸ Mãɨya k'ɨ̃risiadaé pasima. Mãɨ ¿k'ãre ununai k'ɨ̃risiasidama? ¿Ẽpẽra neet'á pia k'ak'apia jɨ̃ bɨt'a ununai k'ɨ̃risia p'anasik'ãra? Mãɨyawẽma; chi ẽpẽra neet'á pia k'ak'apia jɨ̃pataɨrã minachia k'awa p'anɨrã tede p'anapatama.

Mateo 11:8 Iomraidhean Croise

Mateo 11:7

Juanpa peedarã wãnak'ari Jesupa chi arí p'ananarã́ Juan k'orea nãɨya jarasima: «Ĩjũa pania newẽa bɨdea mãrapa Juan ak'ɨde wãsidaɨde ¿k'ãre ununai k'ɨ̃risiasidama? ¿Nãupa p'ũajãra p'õat'ɨ pari jĩra bɨ?

Mateo 11:9

Mãɨ ¿k'ãre ununai k'ɨ̃risiasidama? ¿Tachi Ak'õre pari pedeaparí ununai k'ɨ̃risia p'anasik'ãra? Ãjã, Tachi Ak'õre pari pedeaparí ak'ɨde wãsidama. Juan Tachi Ak'õre pari pedeaparí waapẽarã k'aepẽra chi atepe k'awa bɨma.

Mateo 3:4

Juan neet'á camello k'ara k'ada jɨ̃pachima. Ichi k'ɨrrɨde jɨ̃parí ãnimara e ooda jɨ̃pachima. Sisi k'opachima mãɨnepa mẽapema jɨrrɨjõ jõpachima.

Luca 7:25

Mãɨya k'ɨ̃risiadaé pasima. Mãɨ ¿k'ãre ununai k'ɨ̃risiasidama? ¿Ẽpẽra neet'á pia k'ak'apia jɨ̃ bɨt'a ununai k'ɨ̃risia p'anasik'ãra? Mãɨyawẽma; ¿Ẽpẽra neet'á pia jɨ̃ bɨt'a? Mãɨyawẽma; chi ẽpẽra neet'á pia jɨ̃pataɨrã mãɨnepa nepia uru p'anɨrã minachia k'awa p'anɨrã tede p'anapatama.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».