Mateo 11:21 - Tachi Ak'õre Pedea

²¹ Nãɨya jarasima: —¡Corazín p'uurudepemarã mãɨnepa Betsaidadepemarã chupuri p'anɨma, Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena Tirode mãɨnepa Sidone oodapara, mãɨ p'uurudepemarãpa isapea nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea neet'á sõp'ua p'anɨne jɨ̃pataɨ jɨ̃nai pasima, mãɨnepa et'abarra jora ɨt'aa p'odai pasima ãchi poro ɨ̃rɨ.

Mateo 11:21 Iomraidhean Croise

Mateo 11:22

Maamina mɨa mãrá jararuma: Tachi Ak'õrepa jõmãɨrã ɨtɨai ewaride Tirodepemarã mãɨnepa Sidonepemarã k'aepẽra mãra atepe ɨtɨaipɨ.

Mateo 15:21

Jesú mãmãɨpa Tiro mãɨnepa Sidón tuadea p'ɨrrɨade wãsima.

Mateo 18:7

¡Chi waapẽarã́ nãɨ ĩjũanepemarã nemietá oopipataɨrã ãchi chupuria p'ananaipɨ! Mãɨrã paraapɨ, maamina chi waapẽarã́ nemietá oopiparí, mãɨ mĩa chupuri baipɨ.

Mateo 26:24

Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.

Marco 3:8

Jesupa ẽpẽerãpa ne p'ue oodak'apɨ́ oo bɨt'a ũrinak'ari, ẽpẽerã Judea tuadepemarã, Jerusalén p'uurudepemarã, Idumea tuadepemarã, Jordán to k'ĩaria laopemarã, Tiro tuadepemarã mãɨnepa Sidón tuadepemarã chi Jesú bɨmá wãsidama.

Marco 6:45

Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria lao, Betsaidadea wãnamẽrá. Mãɨne ichi mãma beesima ẽpẽerã ãchi tiidá peek'ayá.

Marco 7:24

Jesú mãmãɨpa Tiro tuadea wãk'ari ẽpẽra tede beesima. Ichi sãma bɨt'a mi ãpia pida abaɨa k'awapi k'ɨ̃riawẽa basima. Maamina k'awasidama.

Marco 7:31

Jesú Tiro tuade bada jĩitea wãsima. Sidón tuade wãk'ari Decápoli lawari p'asak'ari, maapae Galilea senianea wãsima.

Marco 8:22

Betsaida p'uurude chesidaɨde waapẽarãpa ẽpẽra tau p'ãrio bɨ Jesumá ateewãnak'ari chichupuria idisidama t'õmarik'ari ya jɨpamẽrá.

Luca 4:26

Maamina Tachi Ak'õrepa Elía abaɨ pida Israeldepema p'ẽtã́ k'aripade wãpié pasima. Mãɨ k'aepẽra p'ẽtã́ Sidón tuade Sarepta p'uurude bɨmá wãpisima.

Luca 6:17

Maapae Jesú ãchi ome eyadepa edá chedak'ari, k'oriide bai nɨp'aneesidama. Mãma ichi ome p'ɨrrɨapataɨrã chok'ará p'anɨ mãɨnepa waapẽarã ẽpẽerã minachia cheuta ome ará nɨbeesima. Mãɨ ẽpẽrarã Judea tuadepa, Jerusalenepa, senia choma ik'idaapema p'uuru Tirodepa mãɨnepa Sidonepa

Luca 9:10

Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea.

Juan 1:44

Mãɨ P'elipe Betsaida p'uurudepema pasima. André mãɨnepa Pedro mãmapema pasima.

Juan 12:21

Mãɨrã chi P'elipemá wãsidama. Mãɨ P'elipe Galilea tuade bɨ Betsaida p'uurudepema pasima. Ãchia P'elipea jarasidama: —Taipa Jesú unu k'ɨ̃ria p'anɨma.

Hecho 12:20

Mãɨ ewaride mãɨ poro jũra jɨ̃parí jɨ̃ bɨ Herode k'ĩruu basima Tirodepemarã ome mãɨnepa Sidonepemarã ome. Ãchi ichi ome sõpiadayá oo p'anasima, mãɨ ichi tuadepuru chik'o atapachida pẽra. Mãɨpuru ãchi pedea audak'ari ará wãsidama ichi ome pia pedeadai k'orea. Naa Blasto apataɨmá wãsidama. Mãɨ Blasto Herode pae mimiaparí chi atepe bɨ pasima. Mãɨya Blasto ome sõpia p'aneenak'ari, ichidepa chi Herodea chichupuria idisidama pia pedeadai k'orea.

Hecho 27:3

Norema Sidón p'uurude pasidama. Mãɨne Juliopa sõpiadepa Pablo ichi ũpẽarã jĩra p'anɨmá itu wãpisima ichi ne newẽa bɨt'a mãɨ teadamẽrá.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 6:12

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mãɨne iurumia minachia ɨbɨa chesima. Chi ɨmata p'ãriosima, ẽpẽerã piuutade neet'á p'aimá tachia jɨ̃pata jĩra. Mãɨnepa chi jedek'o p'urea oa jĩra k'obeesima.