Mateo 11:2 - Tachi Ak'õre Pedea

² Juan chi Porochoaparí eda jɨ̃a nɨbɨsidaɨde, ũrisima Tachi Ak'õrepa Tachi K'aripaparí teai jaradapa ne oomaa bɨt'a. Mãɨ k'orea ichi ome p'ɨrrɨapataɨrã ume peesima Jesua nãɨya ididamẽrá:

Mateo 11:2 Iomraidhean Croise

Mateo 1:17

Abrahanepa chedada catorce p'anasidama waa poro jũra jɨ̃parí jɨ̃ bɨ Daví unuutamá. Davidepa chedada ichiaba catorce p'anasidama Israel ĩjũanepemarã pɨrɨɨk'adak'ari ateeutamá Babilonia p'uurudea. Ichiaba mãmãɨpa unusidama catorce waa Jesucristo t'õrumá.

Mateo 14:3

Herodepa mãɨya jarasima Juan peapida pẽra. Mãɨ nãɨya basima: Herodepa ara ichi ũpẽa P'elipe k'ima Herodía apataɨ atasima. Maamina Juanpa ichiá jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma». Mãɨ k'orea Herodepa Juan jitapik'ari eda jɨ̃a nɨbɨpataɨ tede k'ãnenapa jɨ̃ nɨbɨpisima.

Mateo 4:12

Juan chi Porochoaparí eda jɨ̃a nɨbɨ ũriside Jesú jĩitea Galilea tuadea wãsima.

Mateo 9:14

Mãɨya bak'ari Juan chi Porochoaparí ome p'ɨrrɨapataɨrã Jesumá chedak'ari idisidama: —Taipa mãɨnepa chi p'ariseorãpa Tachi Ak'õrene k'ɨ̃risiadayá nek'odak'apɨ́ ewari oopatama, maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?

Marco 6:17

Herodepa Juan peapida nãɨya basima: Herodepa ara ichi ũpẽa P'elipe k'ima atasima. Mãɨ wẽra Herodía apachidama. Herodepa ichi ãyore atada pẽra Juanpa jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma». Mãɨ k'orea Herodepa Juan jitapik'ari jɨ̃a nɨbɨpataɨ tede k'ãnenapa jɨ̃ nɨbɨpisima.

Luca 3:19

Maamina Juanpa Galileadepema minachia k'awa bɨ Herode ɨtɨapachima ichia wẽra uru bɨ Herodía k'orea. Mãɨ Herodía piarã Herode ũpẽa P'elipe k'ima pasima. Mãɨ awara Juanpa ichi ɨtɨapachima nejõma nemietá ooda k'orea.

Luca 9:7

Herode Galilea tuadepema chi chaarea bɨ pasima. Mãɨ Herodepa ãarea Jesupa oo bɨt'a ũrisima. Ichia k'awa k'ɨ̃risiawẽa basima waapẽarãpa nãɨya jara p'anɨ pẽra: —Juan chi Porochoaparí chok'ae p'irabarisima.

Juan 4:1

Mãɨ ewaride p'ariseorãpa ũrisidama Jesupa Juan k'aepẽra ẽpẽerã minachia atepe uru bɨt'a mãɨnepa porochoa bɨt'a.