Mateo 11:11 - Tachi Ak'õre Pedea

¹¹ »Mɨa piarã jararuma: nãɨ ĩjũane Juan chi Porochoaparí k'aepẽra ẽpẽra aba pida atepe newẽma. Maamina Pajãne Bɨpa ichidirã ichi juade ua bɨdepema chi wariwẽa k'ɨrɨt'a ichi k'aepẽra chi atepe k'awa baima.

Mateo 11:11 Iomraidhean Croise

Mateo 11:10

Ichi k'orea Tachi Ak'õre pedeade nãɨya bɨ bɨma: “Chi mɨ pari pedeaparí pɨ naa peeipɨ pɨ pae o jarimẽrá”.

Mateo 11:12

Juan chi Porochoaparipa jaratea beesiedapema waa idi Pajãne Bɨpa ichidirã ichi juade ua bɨdepemarã atepe mĩa p'anɨma. Ẽpẽra k'achiarãpa ãchi k'achia oo k'ɨ̃ria p'anɨma.

Mateo 3:1

Mãɨya bak'ari Juan chi Porochoaparipa Judeade ĩjũa pania newẽa bɨde jaratea beesima.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Mateo 5:19

Mãɨneepuru ẽpẽrapa Moisepa bɨdade ne oopi bɨ pedea ooepɨra, mãɨ ãpia pida ooepɨra; mãɨyawẽpɨra waapẽarã́ jarateaipɨra ara mãɨya oopiemaapa, mãɨ waapẽarã k'aepẽra ãpia baipɨ Pajãne Bɨpa ichi juade ua bɨ t'ãena.

Luca 7:28

Mɨa jararuma: nãɨ ĩjũane ẽpẽra aba pida Juan chi Porochoaparí k'aepẽra atepe newẽma. Maamina Tachi Ak'õrepa ichidirã ichi juade ua bɨdepema chi atepe wariwẽa k'ɨrɨt'a ichi k'aepẽra chi atepe k'awa baima».

Luca 9:48

Mãɨne nãɨya jarasima: —Chi mɨne ĩjãa bɨ k'orea nãɨ warrá pia pedea bɨpa, mɨá pida pia pedea bɨma. Mãɨ awara chi mɨá pia pedea bɨpa chi mɨ Peedá pia pedea bɨma. Mãranepema chi ãpia k'ɨrɨ Tachi Ak'õre k'ĩrari chi atepe bɨma.

Juan 1:15

Juan chi Porochoaparipa ichi k'orea nãɨya ɨbɨa jarapachima: «Nãɨ ẽpẽra k'orea, mɨa nãɨya jara bapachima: “Chi mɨ k'aadea cherut'a mɨ k'aepẽra atepe bɨma, ichi mɨ naena bada pẽra”».

Juan 10:41

Mãɨya bɨde chok'ará ẽpẽerã ichimá wãpachidama. Ãchi tuaba nãɨya jarapachidama: «Juanpa ẽpẽerãpa ne p'ue oodak'apɨ́ ooé pasima maamina ãarea ichia nãɨ Jesú k'orea jarada piarãpɨ».

Juan 3:30

Ichi chi atepe bai bɨma. Mɨ k'aepe bai bɨma.

Juan 5:35

Juan ĩpira urua bɨ jĩra basima. Ichi mãra ome tãaraa badawẽmina, mãra ichi ɨnaane arapá p'anasidama.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

1 Corintio 6:4

Mãra mãɨ k'orea nepɨra pará p'aneenaipɨra, ¿k'ãre k'orea chi Tachi Ak'õrene ĩjãanak'apɨɨrãmá wãpatama mãɨ nepɨra ak'ɨdamẽrá?

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

2 Timoteo 1:10

Maapae Jesucristo Tachi K'aripaparí cheside unupisima sãmaasã́ ichi sõpia bɨma tachi ome. Tachi piui pada Jesucristopa jõpik'ari, maapae ewaricha chok'ae bapisima. Chi ichi k'orea pedea piapa mãɨ pia k'awapi bɨma.

Hebreo 11:40

Tachi Ak'õrepa tachi pae nepia bɨt'a uru bɨ pẽra ichia k'ɨ̃riasima ãchi tachi ome ne ãareaɨne pia p'ananait'a.

1 Pedro 1:10

Tachi Ak'õre pari pedeapataɨrãpa chõarãena jarapachidama Tachi Ak'õrepa ichi sõpiadepa mãra k'aripait'a. Mãɨ k'orea k'awadai k'orea ãchia jĩrak'aua k'ɨ̃risiapachidama mãɨnepa ak'ɨdak'ari idipachidama.