Mateo 10:6 - Tachi Ak'õre Pedea

⁶ Mãɨpari judiorãmá, Israel ĩjũa oveja atua be jĩra p'anɨmá wãt'ɨ.

Mateo 10:6 Iomraidhean Croise

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Mateo 18:11

Piarã mɨ, chi Ẽpẽra Warrapa chi atua berã k'aripai k'orea chesima.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 18:6

Maamina ichia jara bɨt'a ãchia itu bɨsidama. Mãɨnepa ichi k'orea k'achia pedeapachidama. Mãɨpuru Pablopa chi neet'á ɨ̃rɨ jɨ̃ bɨ jĩnap'et'asima, chi ãchia oodada ichia mãɨ k'ɨ̃riawẽa bɨt'a k'awapii k'orea. Nãɨya jarasima: —Mãrapa mãɨ pedea ĩjãanaepɨra, mãɨ mɨ nepɨra newẽma. Chi mɨa mãra pae ooi badat'a, mãɨ ãarea oosima. Idiidepa mɨ judiorãwẽmá wãipɨ.

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

1 Pedro 2:25

Mãra naena oveja atua nipada jĩra nipapachidama, maamina naapae Cristomá jĩitea chesidama. Ichia mãra ak'ɨ bɨma oveja ak'ɨparipa ichi oveja ak'ɨpari jĩra.