Luca 5:2 - Tachi Ak'õre Pedea

² Arí to ik'idá p'ãp'orro ume ũu p'anasidama. Mãɨ p'ãp'orro chiparirã edá batoodak'ari, ãchi t'ɨri sɨɨmaa p'anasidama.

Luca 5:2 Iomraidhean Croise

Mateo 4:18

Jesú Galilea senia ik'idá nine ẽpẽra ume unusima. Aba Simón pasima, ichiaba Pedro apataɨ. Abaɨ chi ũpẽa André pasima. Mãɨrã to batapachidama. Jesú chesipara to bat'amaa p'anasidama.

Mateo 4:21

Mãɨ wawari wãrune Jesupa ẽpẽra mãicha ume unusima. Aba Zebedeo warra Santiago pasima. Abaɨ chi ũpẽa Juan pasima. Ãchi ak'õre ome p'ãp'orrode t'ɨri k'õa bet'a wãamaa p'anasidama. Maapae Jesupa ãchi t'ɨ̃sima ichi ome wãnamẽrá.

Marco 1:16

Jesú Galilea senia ik'idá wãrune Simón mãɨnepa chi ũpẽa André unusima. Mãɨrã to bat'apataɨrã pasi pẽra, to bat'amaa p'anasidama.

Marco 1:19

Mãmãɨpa naa wãsidaɨde, Jesupa Santiago mãɨnepa chi ũpẽa Juan unusima. Ãchi Zebedeo warrarã pasima. P'ãp'orrode t'ɨri k'õa bet'a wãamaa p'anasidama.

Luca 5:1

Ewariaba Jesú senia choma Genesare apataɨ ik'idá basima. Mãɨne Tachi Ak'õre pedea ũrinai k'orea ẽpẽrarã chok'ará ichimá cheepɨrɨsidama.

Luca 5:3

Mãɨne Jesú Simón Pedro p'ãp'orrode batook'ari jarasima to ik'idaɨpa ãpia eda waa ateewãmẽrá. Maapae p'ãp'orrode suak'abari beek'ari jõma arí p'anɨrã́ jaratea beesima.

Juan 1:40

Juanpa jarada ũrinak'ari Jesú k'aade wãnana ume p'anasidama. Aba Simón Pedro chi ũpẽa André pasima.