Luca 4:7 - Tachi Ak'õre Pedea

⁷ Mɨ k'ĩrari sĩraporode k'obeek'ari mɨá pia pedeaipɨra mɨa jõma teaipɨ.

Luca 4:7 Iomraidhean Croise

Mateo 2:11

Tede eda wãutade warra chak'e chi nae María ome bɨ unusidama. Maapae bedabari k'op'aneenak'ari warra chak'ea pia pedeasidama. Maapae ãchicha ne yaapariidepema ewadak'ari ãchiichia warra chak'ea nee, ãp'o k'era mãɨnepa mirra k'era teasidama.

Luca 17:16

Jeeda bedabari k'obeek'ari Jesua sõpia bɨade asima ichi jɨpa beepida k'orea. Mãɨ ẽpẽra Samariadepema pasima.

Luca 4:6

Mãɨne tiorepa jarasima: —Nãɨ ĩjũane p'uuru be mãɨnepa mãɨ p'uurude nepia be ãarea pɨ juade bɨipɨ. Mõré pẽra mɨa tea k'ɨ̃riaru teai bɨma.

Luca 4:8

Maamina Jesupa jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Luca 8:28

Ichia Jesú unuside biasima. Maapae Jesú k'ĩrari sĩraporode k'obeek'ari jĩk'ua jarasima: —Jesú, Tachi Ak'õre chi Atepe bɨ Warra, ¿k'ãre k'orea mɨ ome bariyá bɨma? ¡Mɨ chupuria mɨ mĩapirãse!

Apocalipsi 22:8

Mɨ Juanpɨ. Mãɨ ãarea unusima mãɨnepa ũrisima. Mãɨya nak'ari mɨ Tachi Ak'õrepa ɨt'aripa peeda jĩru k'ait'a sĩraporode bedabari k'obeesima pia pedeai k'orea. Mãɨya oosima ichia jõma mãɨ unupida pẽra.

Apocalipsi 5:8

Mãɨ k'art'a jitak'ari chi ẽpẽra jĩra k'ĩmari chok'ae berã mãɨnepa chi chõarã veinticuatro berã ichi naa sĩraporode bari k'op'aneesidama. Ãchi k'ak'awá arpa uru p'anasima mãɨnepa p'arat'u jãjoa bɨ nee ooda uru p'anasima. Chi p'arat'u jãjoa bɨ ãchia incienso k'era ipiru uru p'anasima. Chi incienso k'era jara k'ɨ̃ria bɨma chi ẽpẽerã Tachi Ak'õrenerãpa ichiá ɨt'aa chiidi p'anɨt'a.