Luca 23:11 - Tachi Ak'õre Pedea

¹¹ Mãɨya p'anɨne Herodepa ichi papaká berã pida Jesú oo uru p'aneesidama mãɨnepa k'achia pedea p'aneesidama. Anamari auk'ará k'ɨrɨt'a Jesua jɨ̃pidak'ari ichi oo uru p'aneesidama. Mãɨya bak'ari Herodepa ichi jĩitea ateewãpisima Pilatomá.

Luca 23:11 Iomraidhean Croise

Mateo 14:1

Mãɨ ewaride Herode Galilea tuadepema chi chaarea bɨ pasima. Mãɨ Herodepa Jesupa ooda k'orea ũrisima.

Mateo 14:3

Herodepa mãɨya jarasima Juan peapida pẽra. Mãɨ nãɨya basima: Herodepa ara ichi ũpẽa P'elipe k'ima Herodía apataɨ atasima. Maamina Juanpa ichiá jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma». Mãɨ k'orea Herodepa Juan jitapik'ari eda jɨ̃a nɨbɨpataɨ tede k'ãnenapa jɨ̃ nɨbɨpisima.

Mateo 14:6

Herode t'õna ewari ará pa bɨde Herodía k'au jõmãɨrã k'ĩrari paerasima. Herode mãɨ k'orea miak'ãe sõ arapá bada pẽra,

Marco 9:12

Jesupa p'anoosima: —Piarã Elía naa chei bɨma nejõma pia bɨi k'orea. Maamina ¿k'ãre k'orea Tachi Ak'õre pedeade bɨ bɨma chi Ẽpẽra Warra minachia mĩai bak'ari ẽpẽerãpa ichi itu bɨdait'a?

Luca 23:10

P'aarerã chaarearã mãɨnepa Moisepa bɨda jarateapataɨrã arí p'anasidama. Ãchia ichia ne minachia k'achia oo bɨade a jarasidama.

Juan 19:5

Jesú tajatá ateeutade ɨɨrɨ k'ada poro jũra jɨ̃parí mãɨnepa chi ɨ̃rɨa anamari jɨ̃parí chi arena k'ĩra jɨ̃ basima. Mãɨne Pilatopa jarasima: —Nãɨ chi ẽpẽrapɨ.

Santiago 2:2

Mãra ará nɨbeeutade ẽpẽrapa juade nee ooda jɨ̃ bɨ, neet'á k'ak'apia jɨ̃ bɨ eda cheipɨra, mãɨnepa ẽpẽra nenea k'ɨrɨpa neet'á sore jɨ̃ bɨ eda cheipɨra, ¿k'ãre oodaima?

Santiago 2:3

Mãrapa chi minachia k'ak'apia jɨ̃ bɨ pia ununak'ari ichiá nãma pia bɨmá suak'abari beepade adaipɨra, mãɨne chi nenea k'ɨrɨa jãma bai nɨbeepade adaipɨra, wa nãma mɨ jĩru k'ait'a jeeda suak'abari beepade adaipɨra, ¿ara mãra t'ãena aba chi abaɨ k'aepẽra atepe pia k'ɨ̃ria p'anɨwẽk'ãra? ¿K'ɨ̃risia mietaadepa mãɨya ak'ɨ p'anɨwẽk'ãra?