Luca 19:12 - Tachi Ak'õre Pedea

¹² «Ẽpẽra chi chaarea bɨ tua awaraɨdea t'ɨmɨa wãsima jõmãɨrã atepe k'awa bɨpa ara ichi tuadepema minachia k'awa bɨ bɨmẽrá. Ichia k'ɨ̃risiasima mãɨya bak'ari jĩitea cheit'a.

Luca 19:12 Iomraidhean Croise

Mateo 21:38

Maamina ãchia mãɨ warra unusidaɨde ara ãchi tuaba pedea para beesima: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya nãɨ ĩjũa tachi pae beeipɨ”.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Marco 12:1

Mãɨne Jesupa nepɨrɨ bɨdepa nãɨya jarasima: —Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽerã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Luca 20:9

Mãɨya bak'ari Jesupa ẽpẽrarã́ nepɨrɨ bɨdepa nãɨya jarasima: «Ẽpẽra basima. Mãɨ ẽpẽrapa uva ichi ĩjũane uusima. Maapae ichi uva k'ãena waapẽarã ẽpẽrarã juade bɨsima. Ãchi ome pedea ausidama chi uva k'ãena chaurude jõmasã́ ichiá teadai p'anɨ. Maapae t'ɨmɨa wãk'ari mãma tãaraasima.

Luca 24:51

Mãɨya pia pedea bɨde Tachi Ak'õrepa ichi pajãnea ɨt'aa ateewãsima.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

Hecho 17:31

Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.

1 Corintio 15:25

Piarã Cristo jõmãɨrã chipari bai bɨma aba jõma ichi nek'ĩramá p'uerudea.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.