Luca 10:2 - Tachi Ak'õre Pedea

² Ãchiá nãɨya jarasima: «Nãɨ ẽpẽrarã ne uu minachia chau nɨbapari jĩra p'anɨma. Maamina chi mimiapataɨrã waibɨawẽa p'anɨma. Mãɨpuru chi ne uu ĩjũa Chiparia ɨt'aa chiidit'ɨ mimiapataɨrã ichi ne uu ĩjũamá peemẽrá.

Luca 10:2 Iomraidhean Croise

Mateo 20:1

»Pajãne Bɨpa ichidirã ichi juade ua bɨt'a nãɨ jĩra bɨma. Ne uu ĩjũa chipari basima. Tap'ede ichi mimiapataɨrã jɨrɨde wãsima ichi uva k'ãena mimiane wãnamẽrá.

Marco 13:34

Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá.

Marco 16:15

Maapae Jesupa ãchiá jarasima: «Tuacha wãnak'ari chi pedea pia mɨ k'orea ãareaɨrã́ jarat'ɨ.

Marco 16:20

Maapae chi Jesú ome p'ɨrrɨapataɨrãpa ichi pedea ãchi wãutacha jarasidama. Tachi Chiparipa ãchi k'aripapachima. Ẽpẽerãpa ne p'ue oodak'apɨɨrã oopi bɨdepa k'awapipachima ãchia jara p'anɨ piarãt'a.

Luca 9:1

Jesupa ichi ome p'ɨrrɨapataɨrã doce p'anɨ ará t'ɨ̃k'ari jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be jɨpa beepidamẽrá.

Hecho 11:19

Esteban peadak'ari ẽpẽerãpa Jesude ĩjãapataɨrã ẽp'ẽsidama. Mãɨpuru ũpẽarã Jerusalenepa mĩruwãsidama ara tuacha ãchi k'ak'awá. P'enicia tuadea, Chipre ĩjũa p'ɨrra bɨdea mãɨnepa Antioquía p'uurudea wãsidama. Ãchi wãutacha chi pedea Jesú k'orea abapuru judiorã́ jarapachidama.

Hecho 13:2

Ewariaba ũpẽarãpa Tachi Ak'õrene k'ɨ̃risiadayá nek'odak'apɨ́ ewaride oo p'anɨne Tachi Chiparia pia pedea p'anasidama. Mãɨya p'anɨne Tachi Ak'õre Jaorepa ãchiá jarasima: «Bernabé mãɨnepa Saulo mɨa t'ɨ̃sima. Mãɨpuru ãchi awara bɨt'ɨ mɨa oopi bɨt'a oodamẽrá».

Hecho 13:4

Ãchi Tachi Ak'õre Jaorepa peeda pẽra Seleucia p'uurudea wãsidama. Mãmãɨpa p'ãp'orrode Chipre ĩjũa p'ɨrra bɨdea wãsidama.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Hecho 8:4

Maamina Jerusalenepa mĩruwãnaanapa ãchi wãutacha chi Jesú k'orea pedea pia jarapachidama.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

P'ilipense 2:25

Mãrapa ũpẽa Epap'rodito mɨ k'aripamẽrá peesidama. Ichia mɨ ome Tachi Ak'õre pedea jaratea bɨma papaká bɨ chõo bɨ jĩra. Naane mɨa ichi jĩitea wãpiipɨ.

P'ilipense 2:30

Cristopa oopi bɨ k'orea ichi perá piusima. Mãrapa jãmãɨpa mɨ pae p'ue oodawẽa p'anɨt'a, ichia piui atua oosima.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Tesalonicense 5:12

Mãɨ awara ũpẽarã, taipa chichupuria idi p'anɨma chi ũpẽarãpa mãra t'ãena chi Tachi Ak'õrepa oo bɨt'a oopataɨrã minachia wap'eadamẽrá. Ãchia Tachi Chipari Jesucristodepa mãɨnepa ãchi jua chaareadepa mãra ak'ɨpatama. Mãra sãmaasã́ nipadai p'anɨ jarateapatama.

2 Tesalonicense 3:1

Mãɨ awara ũpẽarã, tai k'orea Tachi Ak'õrea ɨt'aa chiidit'ɨ Tachi Chipari pedea tuacha isapea wãmẽrá mãɨnepa ẽpẽrarãpa mãɨ k'orea pia jaradamẽrá mãra t'ãena mãɨyana jĩra.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

P'ilemón 1:1

Mɨ Pablopɨ. Jesucristo k'orea eda serra bɨma. Tachi ũpẽa Timoteo nãma bɨma. Ũpẽa P'ilemón, taipa pɨ k'ɨ̃ria p'anɨma. Pɨa tai jĩra Tachi Ak'õrepa oo bɨt'a oo bɨ pẽra mɨa nãɨ k'art'a pɨ pae bɨruma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Apocalipsi 2:1

»Chi ũpẽarã Ép'eso p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi juaraari k'ãk'ãi siete uru bɨpa mãɨnepa siete ĩpira nee ooda t'ãena p'ɨrrɨa bɨpa nãɨya jara bɨma: