Juan 8:19 - Tachi Ak'õre Pedea

¹⁹ Mãɨne ãchia Jesua idisidama: —Mãɨya bɨpɨra pɨ ak'õre ¿sãma bɨma? Jesupa p'anoosima: —Mãrapa mɨ atua p'anɨma mãɨnepa mɨ Ak'õre atua p'anɨma. Mãrapa mɨ piarã k'awautapara, mɨ Ak'õre sida k'awadai pasima.

Juan 8:19 Iomraidhean Croise

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Juan 1:10

Mãɨ ɨnaa bɨ ĩjũane basima. Tachi Ak'õrepa ichidepa nãɨ ĩjũa oodamina nãɨ ĩjũanepemarãpa ichi k'awadaé pasima.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Juan 16:3

Mãɨya oodaipɨ mɨ Ak'õre, mɨ sida atua p'anɨ pẽra.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

Gálata 4:9

Maamina idiapae mãrapa Tachi Ak'õre k'awa p'anɨma. Jĩp'a jaraideepara, Tachi Ak'õrepa mãra k'awa bɨma. Mãɨya ¿k'ãre k'orea chi nãɨ ĩjũanepema jaore chaarearãne mãicha ĩjãa k'ɨ̃ria p'anɨma, chi chipari pae pari mimiapataɨrã jĩra? Mãɨpa k'aripak'ama.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 1:15

Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

2 Juan 1:9

Abaɨpa Cristopa jarateada k'aepẽra ichi k'ɨ̃risiadepa ne awara jaratea nipaipɨra, wa mãɨyawẽa Cristopa jarateada itu bɨipɨra, mãɨ Tachi Ak'õre newẽa bɨma. Maamina abaɨpa Cristopa jarateada ĩjãa baipɨra, chi Ak'õre mãɨnepa chi Warra sida uru bɨma.