Juan 7:12 - Tachi Ak'õre Pedea

¹² Mãɨne chok'ará arí p'anɨrãpa Jesú k'orea wawaria pedeapachidama. Waapẽarãpa jarapachidama: «Ichi ẽpẽra pia bɨpɨ», maamina waapẽarãpa jarapachidama: «Mãɨyawẽma; ẽpẽerã seaparipɨ».

Juan 7:12 Iomraidhean Croise

Mateo 21:46

Mãɨpuru ãchia Jesú jita k'ɨ̃ria p'anasidama. Maamina p'uurudepema ẽpẽrarã wap'ea p'anɨ pẽra itu bɨsidama. P'uurudepemarãpa k'ɨ̃risia p'anasima Jesú Tachi Ak'õre pari pedeaparí.

Mateo 27:63

—Tai chipari, taipa k'ɨ̃risia p'anɨma jãɨ ẽpẽra seayá bɨ wapida chok'ae baside nãɨya jarasima: “Mɨ ewari ũpeaɨde chok'ae p'irabariipɨ”.

Luca 18:19

Jesupa ichiá jarasima: —¿K'ãre k'orea mɨ pia bɨade a bɨma? Aba pida pia bɨwẽma; abapuru Tachi Ak'õret'u pia bɨpɨ.

Luca 23:47

Mãɨ unuside papaká berã chi mãɨrã chaarea bɨpa Tachi Ak'õrea nãɨya pia jarasima: —Piarã nãɨ ẽpẽra jĩp'a basima.

Luca 23:50

Ẽpẽra José apataɨ basima. Ichi Arimatea p'uuru, Judea tuadepema pasima. Ẽpẽra pia basima mãɨnepa jĩp'a basima. Tachi Ak'õrepa ichidirã ichi juade ua bai nɨ basima. Ichi judiorã chaarearãnepema pasima, maamina ichimá ãchia pedea audada mãɨnepa ãchia oodada piawẽa basima. Ãchia oodada mietá unusima.

Luca 6:45

Ara mãɨ jĩra ẽpẽra pia bɨpa ichi sõne nepia uru bɨdepa nepia pedeaparima. Maamina ẽpẽra k'achiapa ichi sõne ne k'achia uru bɨdepa ne k'achia pedeaparima. Ẽpẽrapa ichi sõne k'ɨ̃risia bɨ jĩra pedeaparima.

Luca 7:16

Mãɨpuru chi arí p'anɨrã minachia p'erasidama. Jõmãɨrãpa Tachi Ak'õrea nãɨya pia jarasidama: —Piarã Tachi Ak'õre pari pedeaparí chi atepe bɨt'a tachi t'ãena chesima. Tachi Ak'õrepa ichi p'uuru k'aripade che bɨma.

Juan 6:14

Chi Jesupa ẽpẽerãpa ne p'ue oodak'apɨ́ ununak'ari ẽpẽerãpa jarasidama: —Piarã nãɨ Tachi Ak'õre pari pedeaparí chi waibɨa bɨ, chi nãɨ ĩjũane chei badapɨ.

Juan 7:32

P'ariseorãpa k'awasidama ẽpẽerãpa Jesú k'orea wawaria pedea p'anɨt'a. Mãɨ k'orea ãchia mãɨnepa chi p'aarerã minachia k'awapataɨrã pida Tachi Ak'õre te ot'eapataɨrã peesidama Jesú jitade wãnamẽrá.

Juan 7:47

Mãɨ k'orea p'ariseorãpa jarasidama: —¿Mãɨya bɨpɨra ichia mãra sida seasik'ãra?

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.

Romano 5:7

Ewariaba pida ẽpẽra jĩp'a bɨ k'orea abaɨ piuiwẽa bɨma. Maamina ẽpẽra pia k'orea ¿abaɨpa ara ichi itu peapii bɨejã?

P'ilipense 2:14

Waapẽarã k'orea k'achia pedeadawẽa mãɨnepa k'ĩruu pedeadawẽa jõma oot'ɨ.