Juan 6:15 - Tachi Ak'õre Pedea

¹⁵ Maamina Jesupa k'awasima ẽpẽerãpa ichi jita k'ɨ̃ria p'anasit'a ãchi poro jũra jɨ̃parí jɨ̃ bɨ papidai k'orea. Mãɨpuru mãicha ichi tuaba eyadea wãsima.

Juan 6:15 Iomraidhean Croise

Mateo 5:1

Ẽpẽrarã chok'ará unuside Jesú eyadea ɨt'aa wãk'ari suak'abari beesima. Mãɨne ichi ome p'ɨrrɨapataɨrã ichimá chesidama.

Marco 11:9

Mãɨya ooutade chi ichi naa wã p'anɨrãpa mãɨnepa chi k'aadea che p'anɨrãpa jĩk'ua jarasidama: ¡Minachia pia bɨma chi Tachi Chipari t'ɨ̃nepa cherut'a!

Luca 19:38

Ãchia jara tuanasidama: «¡Minachia pia bɨma tachi Poro jũra jɨ̃parí jɨ̃ bɨt'a, chi Tachi Chipari t'ɨ̃nepa cheru! ¡Naapae Tachi Ak'õre ome nek'ĩramariwẽa tuananaipɨ! ¡Pajãne Bɨ chi Atepe bɨma!»

Juan 18:36

Jesupa p'anoosima: —Mɨ ẽpẽerã mɨ juade ua bɨmina mɨ p'uuru nãɨ ĩjũanepemawẽma. Nãɨ ĩjũanepema padapara mɨ ẽpẽerã mɨ k'orea k'ĩruunai pasima judiorã́ mɨ jitapidaemaapa. Maamina mɨ p'uuru nãɨ ĩjũanepemawẽma.

Juan 5:41

»Mɨa jɨrɨwẽa bɨma mãrapa mɨ pia ununamẽrá.

Juan 6:22

Chi eda waapẽarã wa k'ĩaria lao p'aneesidama. Mãɨ norema k'awasidama chi Jesú ome p'ɨrrɨapataɨrã ãchi tuaba p'ãp'orrode batoodak'ari, wãsidat'a. Unusidama mãma p'ãp'orro abapuru basit'a mãɨnepa Jesú ãchi ome wãé pasit'a.

Juan 6:3

Maapae Jesú ichi ome p'ɨrrɨapataɨrã ome eyak'á p'eraade wãnak'ari jeeda suak'abari p'aneesidama.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.