Juan 5:44 - Tachi Ak'õre Pedea

⁴⁴ ¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Juan 5:44 Iomraidhean Croise

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Luca 19:17

Mãɨ k'orea chi minachia k'awa bɨpa jarasima: “Mɨ pae pari mimiaparí, piapɨ. Mɨa ãpia teadadepa pɨa arí ooda pẽra mɨa pɨ juade p'uuru k'ak'o diez bɨipɨ”.

Juan 12:43

Tachi Ak'õrepa ãchi k'orea pia pedeai k'aepẽra mãɨ judiorãpa k'ɨ̃ria p'anasidama ẽpẽerãpa ãchi k'orea pia pedeadait'a.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 3:20

Ãarea nemietá oopataɨrãpa chi ɨnaa bɨ k'ɨ̃rianak'ama. Chi ɨnaa bɨdea chedak'ama ãchia nemietá oo p'anɨt'a unupidaemaapa.

Juan 5:41

»Mɨa jɨrɨwẽa bɨma mãrapa mɨ pia ununamẽrá.

Juan 8:43

Mɨa jara bɨ ¿k'ãre k'orea mãrapa k'awadawẽa p'anɨma? Mãrapa k'awadawẽa p'anɨma, mɨ pedea ũri k'ɨ̃rianak'a pẽra.

Romano 2:10

Maamina jõma pia oo berã Tachi Ak'õrepa pia unuipɨ, pia jaraipɨ mãɨnepa ne k'ɨ̃risiawẽa bapiipɨ. Naa judiorã mãɨnepa judiorãwẽ sida mãɨya ooipɨ.

Romano 2:29

Mãɨyawẽapuru Tachi Ak'õremá, chi sõ jĩp'a bɨt'a mãɨt'u judio piarãpẽapɨ. Chi Moisepa bɨdade bɨ bɨ jĩra k'ak'ua tauchaa bɨade aparí judio piarãwẽpɨ, mãɨpari chi Tachi Ak'õre Jaorepa mãɨya sõne jĩp'a bɨparipɨ. Ẽpẽrarãpa chi sõ jĩp'a bɨ k'orea pia jaradak'amina Tachi Ak'õrepa mãɨ k'orea pia jaraparima.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

2 Corintio 10:18

Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Santiago 2:1

Ũpẽarã, mãrapa tachi pia bɨ Chipari Jesucristode ĩjãa p'anɨ pẽra abaɨ pia k'ɨ̃riarãt'ɨ waapẽarã k'aepẽra.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.