Juan 5:10 - Tachi Ak'õre Pedea

¹⁰ Mãɨpuru judiorã chi chaarearãpa ẽpẽra k'ak'ua jɨpa beedá jarasidama: —Idi mimianak'apɨ́ ewari pẽra pɨ ne ẽpẽra uapataɨ p'ue atak'ari wãiwẽa bɨma.

Juan 5:10 Iomraidhean Croise

Mateo 12:10

Mãma ẽpẽra jua sorek'ea bɨt'a basima. Mãɨne waapẽarãpa Jesú nepɨra pará bɨade a k'ɨ̃ria p'ananarãpa idisidama ichiá: —¿Ẽpẽra k'ɨdade bɨpɨra, mimianak'apɨ́ ewaride jɨpapii pia bɨk'ãra?

Marco 2:24

Mãɨ k'orea p'ariseorã ãchi k'aade cheutapa Jesua jarasidama: —Ak'ɨse, pɨ ome p'ɨrrɨapataɨrãpa ¿K'ãre k'orea mimianak'apɨ́ ewaride chi tachia oodak'apɨɨt'a jãɨya oo p'anɨma?

Marco 3:4

Maapae Jesupa ãchiá idisima: —¿Mimianak'apɨ́ ewaride k'ãre oodai p'anɨma? ¿Nepia ooima, wa nemietá ooima? ¿Abaɨ k'ɨdade bɨ k'aripai wa itu piupiik'ãra? Maamina ãchi k'ĩup'ea p'aneesidama.

Luca 13:14

Maamina Jesupa mimianak'apɨ́ ewaride jɨpa beepida pẽra judiorã ará pedeapataɨ tedepema minachia k'awa bɨ k'ĩruusima. Mãɨne jõmãɨrã́ nãɨya jarasima: —Mimianak'apɨ́ ewari awara sei ewari uru p'anɨma mimianai k'orea. Mãɨ ewaridepuru chet'ɨ mãra jɨpa beepidamẽrá. Maamina mimianak'apɨ́ ewaride cherãt'ɨ.

Luca 23:56

Mãmãɨpa jĩitea wãnak'ari ãchia k'era oosidama chi k'ak'ua p'ɨrɨdai k'orea. Norema ɨ̃apaasidama Moisepa bɨdade jara bɨ jĩra.

Luca 6:2

Waapẽarã p'ariseorãpa mãɨ unusidaɨde idisidama: —¿Mãrapa k'ãre k'orea mimianak'apɨ́ ewaride chi tachia ne oodak'apɨɨt'a jãɨya oo p'anɨma?

Juan 1:19

Nãɨ chi Juanpa ara ichi k'orea jaradapɨ. Judiorã chaarearãpa Jerusalenepa p'aarerã mãɨnepa Levidepemarã Juanmá peesidama ichiá nãɨya ididamẽrá: —¿Pɨ k'aima? ¿Pɨ Tachi Ak'õrepa Tachi K'aripaparí teai jaradak'ãra?

Juan 5:11

Mãɨne ichia p'anoosima: —Maamina chi mɨ jɨpa beepidapa jarasima: “Pɨ ne ẽpẽra uapataɨ atak'ari wãse”.

Juan 5:15

Mãɨya nak'ari chi ẽpẽra judiorã chi chaarearãmá wãk'ari jarasima chi ichi jɨpa beepida mãɨ Jesú pasit'a.

Juan 5:16

Mãɨpuru p'aarerã chi chaarearãpa Jesú k'orea minachia k'achia pedea p'aneesidama mãɨ ẽpẽra mimianak'apɨ́ ewaride jɨpa beepida pẽra.

Juan 7:23

Moisepa bɨda oodai k'orea mãrapa mimianak'apɨ́ ewaride pida warra chak'e k'ak'ua tauchaapatama. Mãɨ mãra ¿k'ãre k'orea mɨ ome k'ĩruu p'anɨma mimianak'apɨ́ ewaride ẽpẽra jɨpa beepida k'orea?

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.