Juan 4:53 - Tachi Ak'õre Pedea

⁵³ Mãɨne chi ak'õrepa k'awasima ara mãɨ horade Jesupa pɨ warra jɨpa beesiade a basit'a. Mãɨpa ichia mãɨnepa ichi tiidapemarã pida Jesude ĩjãasidama.

Juan 4:53 Iomraidhean Croise

Mateo 8:13

Maapae Jesupa papaká berã chi mãɨrã chaarea bɨa jarasima: —Tedea wãse. Pɨa ĩjãa bɨ jĩra mɨa ooipɨ. Ara mãɨne papaká berã chi mãɨrã chaarea pae pari mimiaparí jɨpa beesima.

Luca 19:9

Jesupa ichiá jarasima: —Idi Tachi Ak'õrepa pɨ, pɨ tiidaɨrã sida k'aripasima, pɨa ĩjãa bɨẽra Abrahanpa ĩjãana jĩra.

Juan 4:51

Tiidá cherude chi ichi pae pari mimiapataɨrãpa pia pedeadak'ari jarasidama: —Pɨ warra jɨpa beesima.

Juan 4:52

Mãɨne ichia idisima: —¿Sãapae mãɨya jɨpa beesima? Ãchia p'anoosidama: —Noena ɨmata baarea paside chi k'ɨamia tuusima.

Hecho 11:14

Ichia jaraipɨ sãya Tachi Ak'õrepa pɨ mãɨnepa pɨ tedepemarã k'aripait'a”.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

Hecho 16:34

Pablo mãɨnepa Sila ichi tedea ateewãk'ari nek'opisima. Tachi Ak'õre ĩjãanana pẽra ichi mãɨnepa ichi tedepemarã minachia sõ arapaasidama.

Hecho 18:8

Judiorã ará pedeapataɨ tedepema chi chaarea bɨ Crispo apachidama. Mãɨ Crispopa mãɨnepa ãarea ichidirãpa Tachi Chiparide ĩjãasidama. Mãɨ awara minachia Corinto p'uurudepemarãpa ũrisidama Pablopa Jesú k'orea jaratea bɨt'a. Ĩjãanak'ari porochoasidama.

Hecho 2:39

Tachi Ak'õre Chiparipa ichi Jaore teai jarada mãra pae bɨma, mãra warrarã pae bɨma mãɨnepa ẽpẽerã t'ɨmɨa p'anapataɨrã pae bɨma. Ãarea chi Tachi Ak'õre Chiparipa t'ɨ̃ bɨ ẽpẽerã pae pida bɨma.