Juan 3:13 - Tachi Ak'õre Pedea

¹³ »Aba pida pajãnea wãk'ama mãɨ k'awai k'orea. Abapuru mɨ, chi Ẽpẽra Warrapa mãɨ k'awa bɨma, pajãnepa cheda pẽra.

Juan 3:13 Iomraidhean Croise

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 3:12

Mɨa nãɨ ĩjũane unupataɨdepema jara bɨt'a mãrapa ĩjãanak'apɨra, mãɨ pajãnepema jararude ¿sãmaasã́ ĩjãanaima?

Juan 3:31

»Chi ɨt'aripa cheru ãareaɨrã k'aepẽra chi atepe bɨma. Chi nãɨ ĩjũane bɨt'a nãɨ ĩjũanepema pẽra aba nãmapemat'u pedeaparima. Mãɨpuru chi pajãnepa cheru ãareaɨrã k'aepẽra chi atepe bɨma.

Juan 6:33

Mãɨ Tachi Ak'õrepa teada p'ana ɨt'aripa chedapa nãɨ ĩjũanepemarã chok'ae bapiparima.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 6:42

Nãɨya jarasidama: —¿Nãɨ Jesú, José warrawẽk'ãra? Chi ak'õre mãɨnepa chi nae tachia unupatama. ¿K'ãre k'orea ichi ɨt'aripa chesiade a bɨma?

Juan 6:46

Mãɨpa jarawẽa bɨma abaɨpa Tachi Ak'õre unusit'a. Abapuru mɨ chi ichidepa chedapa mãɨ unu basima.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Juan 6:62

Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima?

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Hecho 2:34

Daví pajãnea wãé pasima, Jesú wãna jĩra. Mãɨpari ichia nãɨya jarasima: “Tachi Chiparipa jarasima Mɨ Chiparia: Mɨ juaraari suak'abari beese,

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Romano 10:6

Maamina Tachi Ak'õre taade jĩp'a p'anɨrãnepema pai k'orea Cristode ĩjãa bɨma. Mãɨpa nãɨya jara bɨma: «Pɨ sõne jararãse: “¿K'ai pajãnea wãi bɨma?” (Cristo nãɨ ĩjũanea chepii k'orea).

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

Ep'esio 1:23

Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.