Juan 21:7 - Tachi Ak'õre Pedea

⁷ Mãma basima Jesú ome p'ɨrrɨaparí chi “Jesupa minachia k'ɨ̃ria bɨ” apataɨ. Mãɨpa Pedroa jarasima: —¡Jãɨ Tachi Chiparipɨ! Simón Pedropa “Tachi Chipariade” a jarada ũriside ichi neet'á ɨ̃rɨpema jɨ̃sima, mãɨ neet'áwẽapachi pẽra mãɨ to bat'ai k'orea. Jɨ̃k'ari maapae toedá t'ĩu wãsima.

Juan 21:7 Iomraidhean Croise

Marco 11:3

Abaɨpa mãrá k'ãre k'orea mãɨya oo p'anɨane a idiipɨra nãɨya jarat'ɨ: “Tachi Chiparipa nãɨ k'ɨ̃ria bɨma ya ara naane jĩitea tea peeipɨ”».

Luca 12:35

»Te chipari pae pari mimiaparí pia bɨ jĩra p'anat'ɨ, Tachi Ak'õrepa jara bɨt'a ũrinai k'orea. Chi te chipari pae pari mimiaparí pia bɨpa ĩpira k'oa uru baparima ichi chipari cherude pia pedeai k'orea. Miak'ãipataɨ arapá ewari oo p'anɨmãɨpa chek'ari, chi chiparipa t'ɨ̃rune chi ichi pae pari mimiaparí pia bɨpa ara mãɨne tede eda wãpataɨ ewaipɨ.

Luca 2:11

Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

Luca 7:47

Mãɨpuru mɨa nãɨya jararuma: ichia nemietá minachia ooda mɨa ãarea k'ɨ̃risia atuasima. Mãɨpuru ichia mɨ minachia k'ɨ̃ria bɨma. Maamina chi nemietá ãpia ooda mɨa k'ɨ̃risia atuaipɨra mãɨpa mɨ ãpia k'ɨ̃ria baima.

Juan 13:23

Mãɨrãnepema aba, chi Jesupa minachia k'ɨ̃ria uru baparí, ichik'á suak'abari basima.

Juan 19:26

Jesupa chi nae mãɨnepa chi ichi ome p'ɨrrɨaparí chi «ichia minachia k'ɨ̃ria bɨ» apataɨ ichi bɨk'á unuside, chi naea jarasima: —Nae, cha bɨ pɨ warrapɨ.

Juan 20:2

Mãɨpuru p'ira wãsima Simón Pedromá. Chi Jesú ome p'ɨrrɨaparí chi «Jesupa minachia k'ɨ̃ria bɨade» apataɨ mãma basima. Chek'ari jarasima: —Tachi Chipari ichi t'ɨbaridaadamaapema ateewãsidama. Taipa atua p'anɨma sãmá ateewãsidat'a.

Juan 20:20

Mãɨ jarak'ari ichi jua, ichi orro sida ãchiá ak'ɨpisima. Tachi Chipari unusida pẽra arapaasidama.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 21:20

Pedropa jĩitea ak'ɨk'ari Jesú ome p'ɨrrɨaparí, chi Jesupa minachia k'ɨ̃ria uru baparí k'aadea cheru unusima. Mãɨ Jesú k'ait'a suak'abari basima Egitodepa wãnana k'ɨ̃risiapataɨ chik'o k'osidaɨde. Ichia idi basima: «Tai Chipari, ¿k'aipa pɨ jitapiima?»

Juan 21:24

Ara mãɨ Jesú ome p'ɨrrɨaparipa mãɨ k'orea jara bɨma mãɨnepa nãɨ k'art'ade nãɨya bɨruma. Tachia k'awa p'anɨma ichia jara bɨ piarãt'a.

Juan 21:8

Maamina chi waapẽarã p'ãp'orrode p'aneesidama. Chi t'ɨri beta ipiru beeda jidibari enemeesidama ipudea, senia ik'idá cien metros k'ait'a p'ana pẽra.

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

Santiago 2:1

Ũpẽarã, mãrapa tachi pia bɨ Chipari Jesucristode ĩjãa p'anɨ pẽra abaɨ pia k'ɨ̃riarãt'ɨ waapẽarã k'aepẽra.