Juan 21:25 - Tachi Ak'õre Pedea

²⁵ Jesupa nãɨ ne oo bada k'aepẽra atepe ne minachia ook'oapachima. Maamina mãɨ ãarea k'art'ade abaabá bɨutapara, mɨmá mãɨ k'art'a bɨk'oadada nãɨ ĩjũa ãareaɨne ara baiwẽ pasima.

Juan 21:25 Iomraidhean Croise

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 19:24

Mãicha mɨa jararuma: T'ajuwẽa bɨma camello akuja ãtaude eda wãit'a, mãɨ chi ẽpẽra errearadepa ɨbɨa bɨ Tachi Ak'õre juade bai k'aepẽra.

Marco 5:16

Chi mãɨ ununaanapa waapẽarã́ nepɨrɨsidama chi jaore mietá pará bada mãɨnepa chi sinarã sãasit'a.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Hebreo 11:32

¿Tachi Ak'õrene ĩjãapataɨrã k'orea mɨa k'ãre mãicha jaraima? Sansón, Gedeón, Barac, Jep'té, David, Samuel, mãɨnepa Tachi Ak'õre pari pedeapataɨrã k'orea pedeai k'orea chi ewari ará paiwẽma.