Juan 21:23 - Tachi Ak'õre Pedea

²³ Mãɨya jarada k'orea chok'ará ũpẽarãpa k'ɨ̃risia p'aneesidama chi mãɨ Jesú ome p'ɨrrɨaparí piuiwẽt'a. Maamina Jesupa jaraé pasima ichi piarã piuiwẽt'a. Mãɨpari jarasima: “Mɨa k'ɨ̃ria bɨpɨra ichi chok'ae beeit'a aba mɨ mãicha cherudea ¿pɨa mãɨ k'orea sak'aima?”

Juan 21:23 Iomraidhean Croise

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Hecho 1:15

Mãɨya p'anɨne ewariaba Pedro chi ũpẽarã esa bai nɨbeesima chi ẽpẽerã́ pedeai k'orea. Ãchi 120 p'anasidama. Mãɨne jarasima:

Hecho 28:14

Mãma taipa chi eda waapẽarã ũpẽarã unusidama. Ãchia taiyá jarasidama ãchi ome tomio aba p'ananamẽrá. Mãmãɨpa Roma p'uurudea pasidama.

Hecho 6:3

Mãɨpuru ũpẽarã, mãranepema siete ẽpẽerã jĩp'a be jɨrɨ atat'ɨ. Ãchi Tachi Ak'õre Jaore minachia uru p'ananai p'anɨma mãɨnepa k'ɨ̃risia minachia p'ananai p'anɨma. Mãɨrã taipa bɨdaipɨ p'ẽtãarã mãɨnepa waapẽarã k'aripadamẽrá.

1 Corintio 11:26

Tachi Chipari Jesú cherumisa mãɨ p'ana k'outacha mãɨnepa mãɨ pasude eda bɨ toutacha mãrapa ichi piuda k'orea jara p'anɨma.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

Santiago 5:7

Mãɨpuru ũpẽarã, jõma choat'ɨ aba Tachi Chipari cherudea. Ẽpẽra ne uu ĩjũane oo bɨ k'orea k'ɨ̃risiat'ɨ. Ne uuk'ari, ne k'ɨ̃risiawẽa nɨparima k'oe chek'ari, ichi ne uuda t'õnomẽrá mãɨnepa warimẽrá. Ara mãɨya nɨparima k'oe mãicha chek'ari, mãɨ ne uuda pia chaumẽrá.

Apocalipsi 2:25

Mãɨyawẽapuru choa p'anat'ɨ mɨne ĩjãa p'anɨnepa aba mɨ cherudea.