Juan 21:22 - Tachi Ak'õre Pedea

²² Jesupa p'anoosima: —Mɨa k'ɨ̃ria bɨpɨra ichi chok'ae beeit'a aba mɨ mãicha cherudea ¿pɨa mãɨ k'orea sak'aima? Mɨa k'ɨ̃ria bɨma pɨ mɨ ome p'ɨrrɨait'a.

Juan 21:22 Iomraidhean Croise

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Mateo 24:27

Ẽpẽra Warra cheru jõmãɨrãpa pia ununaipɨ, pa p'up'ureaparí ɨmata ochiaparidepa ɨmata waa baewãparidea pia unupata jĩra.

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Mateo 24:44

Ara mãɨ jĩra mãra sida tau pará p'anat'ɨ. Mãrapa mɨ, chi Ẽpẽra Warra chei atua p'anɨne cheipɨ.

Mateo 25:31

»Mɨ, chi Ẽpẽra Warra jõma Tachi Ak'õrepa ɨt'aripa peedarã ome k'ĩrawãrea cherude, mɨ poro jũra jɨ̃parí jɨ̃ bɨ suak'a beeparí k'ĩrawãrea bɨde suak'abari beeipɨ ẽpẽrarã ak'ɨi k'orea.

Mateo 8:22

Jesupa ichiá jarasima: —Mɨ ome chese. Itu bɨse, chi piudaadapa chi piudada t'ɨbaridamẽrá.

Marco 9:1

Mãɨnepa Jesupa jarasima: —Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.

Juan 21:19

Mãɨ jara bɨdepa Jesupa k'awapisima Pedro sãmaasã́ piui bɨt'a, ichi piurudepa ẽpẽerãpa k'awadamẽrá Tachi Ak'õre chi choma bɨt'a. Mãɨya jarak'ari Jesupa Pedroa jarasima: —¡Mɨ ome p'ɨrrɨase!

Juan 21:21

Pedropa mãɨ ẽpẽra unuk'ari Jesua idisima: —Mɨ Chipari, ¿nãɨ ẽpẽra ome sãaima?

1 Corintio 11:26

Tachi Chipari Jesú cherumisa mãɨ p'ana k'outacha mãɨnepa mãɨ pasude eda bɨ toutacha mãrapa ichi piuda k'orea jara p'anɨma.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

1 Tesalonicense 2:19

Piarã tai mãra k'orea arapá p'anɨma. Mãɨ awara k'awa p'anɨma Tachi Chipari Jesucristo cherude taipa mãra jĩp'a p'anɨt'a ichiá unupidaipɨ. Mãɨne ichi k'ĩrari mãra k'orea tai sõpia p'ananaipɨ.

Santiago 5:7

Mãɨpuru ũpẽarã, jõma choat'ɨ aba Tachi Chipari cherudea. Ẽpẽra ne uu ĩjũane oo bɨ k'orea k'ɨ̃risiat'ɨ. Ne uuk'ari, ne k'ɨ̃risiawẽa nɨparima k'oe chek'ari, ichi ne uuda t'õnomẽrá mãɨnepa warimẽrá. Ara mãɨya nɨparima k'oe mãicha chek'ari, mãɨ ne uuda pia chaumẽrá.

Santiago 5:8

Ara mãɨ jĩra jõma choa p'anɨnepa nɨ p'anat'ɨ mãɨnepa sõnepa ĩjãa p'anat'ɨ, Tachi Chipari chei ɨ̃rɨ paru pẽra.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

Apocalipsi 2:25

Mãɨyawẽapuru choa p'anat'ɨ mɨne ĩjãa p'anɨnepa aba mɨ cherudea.

Apocalipsi 22:20

Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.