Juan 20:2 - Tachi Ak'õre Pedea

² Mãɨpuru p'ira wãsima Simón Pedromá. Chi Jesú ome p'ɨrrɨaparí chi «Jesupa minachia k'ɨ̃ria bɨade» apataɨ mãma basima. Chek'ari jarasima: —Tachi Chipari ichi t'ɨbaridaadamaapema ateewãsidama. Taipa atua p'anɨma sãmá ateewãsidat'a.

Juan 20:2 Iomraidhean Croise

Juan 13:23

Mãɨrãnepema aba, chi Jesupa minachia k'ɨ̃ria uru baparí, ichik'á suak'abari basima.

Juan 19:26

Jesupa chi nae mãɨnepa chi ichi ome p'ɨrrɨaparí chi «ichia minachia k'ɨ̃ria bɨ» apataɨ ichi bɨk'á unuside, chi naea jarasima: —Nae, cha bɨ pɨ warrapɨ.

Juan 20:13

Ãchia idisidama: —Wẽra, ¿k'ãre k'orea jẽa bɨma? Mãɨne p'anoosima: —Mɨ Chipari Jesú ateewãsidama. Mɨa atua bɨma sãmá ateewãsidat'a.

Juan 20:15

Jesupa ichiá idisima: —Wẽra, ¿k'ãre k'orea jẽa bɨma? ¿K'ai jɨrɨ bɨma? Mariapa k'ɨ̃risiasima chi mãɨ ẽpẽra chi ne uu ĩjũa ak'ɨparí pasit'a. Mãɨpuru jarasima: —Pɨa Jesú k'ak'ua ãyá ateewãsipɨra, mɨá jarase sãma bɨsit'a mɨa ichi k'ak'ua atade wãi k'orea.

Juan 20:9

Ara mãɨ ĩjãanamina, ãchia Tachi Ak'õre pedeade Jesú chok'ae p'irabarii bɨt'a mãɨ k'orea bɨ bɨt'a, mãɨ waidi pia ũrinawẽa p'anasima.

Juan 21:20

Pedropa jĩitea ak'ɨk'ari Jesú ome p'ɨrrɨaparí, chi Jesupa minachia k'ɨ̃ria uru baparí k'aadea cheru unusima. Mãɨ Jesú k'ait'a suak'abari basima Egitodepa wãnana k'ɨ̃risiapataɨ chik'o k'osidaɨde. Ichia idi basima: «Tai Chipari, ¿k'aipa pɨ jitapiima?»

Juan 21:24

Ara mãɨ Jesú ome p'ɨrrɨaparipa mãɨ k'orea jara bɨma mãɨnepa nãɨ k'art'ade nãɨya bɨruma. Tachia k'awa p'anɨma ichia jara bɨ piarãt'a.

Juan 21:7

Mãma basima Jesú ome p'ɨrrɨaparí chi “Jesupa minachia k'ɨ̃ria bɨ” apataɨ. Mãɨpa Pedroa jarasima: —¡Jãɨ Tachi Chiparipɨ! Simón Pedropa “Tachi Chipariade” a jarada ũriside ichi neet'á ɨ̃rɨpema jɨ̃sima, mãɨ neet'áwẽapachi pẽra mãɨ to bat'ai k'orea. Jɨ̃k'ari maapae toedá t'ĩu wãsima.