Juan 19:19 - Tachi Ak'õre Pedea

¹⁹ Mãɨ awara Pilatopa pak'uru p'ep'edea Jesú poro nok'oari bɨpisima. Mãɨne nãɨya bɨpisima: «Jesú Nazaredepema, judiorã Poro Jũra Jɨ̃parí Jɨ̃ Bɨpɨ».

Juan 19:19 Iomraidhean Croise

Mateo 2:23

Mãma Nazaré p'uuru apataɨde beesima. Mãɨyasima Tachi Ak'õre pari pedeapataɨrãpa mãɨya jaradada jĩra: “Ichi Nazaredepemaane adaima”.

Mateo 27:37

Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ Jesú, chi judiorã poro jũra jɨ̃parí jɨ̃ bɨpɨ».

Marco 15:26

Chi pak'uru p'ep'edeade ichi k'ãre k'orea piui bɨ k'orea nãɨya bɨ basima: «Judiorã Poro Jũra Jɨ̃parí Jɨ̃ bɨ».

Luca 18:37

Mãɨne waapẽarãpa jarasidama: —Jesú Nazaredepema cheru pẽra jãɨya ooroa p'anɨma.

Luca 23:38

Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ judiorã poro jũra jɨ̃parí jɨ̃ bɨpɨ».

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 18:33

Maapae Pilato mãicha tede eda wãsima. Jesú eda ateewãpik'ari idisima: —¿Pɨ piarã judiorã poro jũra jɨ̃parí jɨ̃ bɨk'ãra?

Juan 19:12

Mãɨ ũriside Pilatopa k'ɨ̃risia beesima Jesú sãmaasã́ k'ẽet'aapiit'a. Maamina judiorãpa mãicha jĩk'ua jarasidama: —Pɨa jãɨ ẽpẽra k'ẽet'aapiipɨra pɨ romanepema chi atepe poro chaarea bɨ ome chi mãɨ omepemawẽma. Parituapa ara ichi chi poro jũra jɨ̃parí jɨ̃ bɨade aipɨra, mãɨ ẽpẽra romanepema chi atepe poro chaarea bɨ ome chi nek'ĩramaapɨ.

Juan 19:14

Judiorã Egitodepa wãnana k'ɨ̃risiapataɨ ewari norema pada pẽra ãchi ne oo p'anasidama mãɨ ewari pae. Ɨmat'ip'a papodode Pilatopa judiorã́ jarasima: —Ak'ɨt'ɨ. Cha nãɨ mãra poro jũra jɨ̃parí jɨ̃ bɨpɨ.

Juan 19:21

Judiorã p'aarerã chi mãɨrã chaarearãpa mãɨ pedea unusidaɨde Pilatoa jarasidama: —Bɨrãse “Judiorã Poro Jũra Jɨ̃parí Jɨ̃ Bɨt'a”. Mãɨpari bɨse: “Nãɨ ẽpẽrapa jarasima ichi judiorã poro jũra jɨ̃parí jɨ̃ bɨpɨ”.

Juan 19:3

Maapae Jesumá orrobaridak'ari nãɨya jarasidama: —¡Minachia pia bɨma, chi judiorã poro jũra jɨ̃parí jɨ̃ bɨt'a! Mãɨya jaradak'ari ichi k'ĩtarramá p'epachidama.

Hecho 26:9

—Mɨa naena k'ɨ̃risia basima ne ãarea ooi bɨt'a ẽpẽerãpa Jesú Nazaredepema ĩjãapidaemaapa.

Hecho 3:6

Maamina Pedropa jarasima: —Mɨa erreara wa nee newẽma, maamina chi mɨa uru bɨt'a pɨá teaipɨ: ¡Jesucristo Nazaredepema t'ɨ̃nepa p'irabarik'ari pɨ nipade wãse!