Juan 19:11 - Tachi Ak'õre Pedea

¹¹ Mãɨne Jesupa p'anoosima: —Tachi Ak'õrepa pɨ bɨdaépara pɨa mɨ mi ãpia pida ooiwẽ pasima. Mãɨpuru chi mɨ pɨ juade teadapa pɨ k'aepẽra nemietá atepe oosima.

Juan 19:11 Iomraidhean Croise

Mateo 26:65

Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima: —¡Jãɨya ichia Tachi Ak'õre k'orea k'achia pedea bɨma! ¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? Mãrapa ũrisidama chi ichia Tachi Ak'õre k'orea k'achia pedea bɨt'a.

Mateo 27:2

Maapae jɨ̃nak'ari, ichi Romanepema ẽpẽra Poncio Pilato apataɨmá ateewãsidama. Mãɨ Pilato Judea tuadepema chi poro chaarea bɨ pasima.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Marco 14:44

Chi jitapii bɨpa ãchiá jara basima sãmaasã́ ooit'a Jesú k'awadamẽrá. Nãɨya jarasima: «Chi mɨa uitarra sõru, mãɨt'u Jesupɨ. Ichi jitadak'ari, pia p'ãjɨ̃nak'ari, ateewãt'ɨ».

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.

Juan 18:13

Jesú naa ẽpẽra Anás temá ateewãsidama. Anás Caip'á chãware pasima. Mãɨ ãyone Caip'á p'aare minachia k'awa bɨ pasima.

Juan 18:3

Mãɨpuru Judapa chok'ará romanepema papaká berã mãɨnepa chi Tachi Ak'õre te ot'eapataɨrã mãɨ ne uu ĩjũanea ateewãsima. Ãchi chi p'aarerã chi mãɨrã chaarearãpa mãɨnepa p'ariseorã pida Juda ome peesidama. Ãchia ĩpira, laap'ara mãɨnepa jiorro uru p'anasidama.

Juan 19:10

Mãɨya bɨde Pilatopa jarasima: —¿Pɨa p'anoowẽk'ãra? ¿Atua bɨk'ãra mɨa pɨ p'ue k'urusude barijira bɨk'ari peapii bɨt'a wa p'ue k'ẽet'aapii bɨt'a?

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Juan 7:30

Mãɨ k'orea ãchia Jesú jita k'ɨ̃ria p'anasidama, maamina mi ãpia pida jitadaé pasima ichi ewari ará pawẽa bada pẽra.

Juan 9:41

Jesupa p'anoosima: —Mãra piarã tau p'ãrio p'ananapara, nemietá oopataɨ k'orea nepɨra pará p'anɨane adaiwẽ pasima. Maamina mãrapa unu p'anɨane a p'anɨ pẽra nemietaade p'anɨma.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Hecho 4:28

ãchia mãɨya oosidama pɨa naena k'ɨ̃risia bada jĩra. Pɨ minachia jua chaarea bɨ pẽra naena mãɨya bɨsima ãchia mãɨya oodamẽrá.

Romano 11:36

Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Romano 13:1

Jõmãɨrã nãɨ ĩjũanepema minachia k'awa berã juade p'ananai p'anɨma Tachi Ak'õrepa ãchi mãɨya bɨda pẽra. Newẽma Tachi Ak'õrepa bɨdawẽt'a.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.

Santiago 4:17

Chi pia oo k'awa bɨpa mãɨya oowẽpɨra, nemietá oo bɨma.