Juan 18:12 - Tachi Ak'õre Pedea

¹² Maapae romanepema papaká bepa, ara ãchi poro chaarea bɨpa mãɨnepa chi Tachi Ak'õre te ot'eapataɨrãpa Jesú jitadak'ari jua bɨrasidama.

Juan 18:12 Iomraidhean Croise

Mateo 26:57

Maapae Jesú jitadaadarãpa ichi p'aare minachia k'awa bɨ Caip'amá enemeesidama. Mãɨ Caip'á tede Moisepa bɨda jarateapataɨrã, judiorã chi mãɨrã chaarearã ome ará jere tuanasidama.

Mateo 27:2

Maapae jɨ̃nak'ari, ichi Romanepema ẽpẽra Poncio Pilato apataɨmá ateewãsidama. Mãɨ Pilato Judea tuadepema chi poro chaarea bɨ pasima.

Mateo 27:27

Ara mãɨne Pilato papaká berãpa Jesú ãchi te choma Pretorio apataɨdea ateesidama. Mãma waapẽarã papaká berã t'ɨ̃nak'ari ichimá jũranak'ari orrobarisidama.

Marco 14:53

Maapae Jesú p'aare minachia k'awa bɨ bɨmá ateewãsidama. Mãma jõma p'aarerã chi mãɨrã chaarearã, judiorã chi mãɨrã chaarearã mãɨnepa Moisepa bɨda jarateapataɨrã ará jere tuanasidama.

Marco 15:1

Ara mãɨ ãsã paẽra p'aarerã chi mãɨrã chaarearã, judiorã chi mãɨrã chaarearã, Moisepa bɨda jarateapataɨrã, mãɨrã ãareaɨrãpa, pedea ausidama Jesú Pilatomá ateewãnai k'orea. Ara mãɨne Jesú jua bɨradak'ari ateewãsidama.

Luca 22:54

Jesú jitadak'ari p'aare minachia k'awa bɨ tedea ateewãsidama. Pedro t'ɨmɨɨpa k'aade nipasima.

Juan 18:3

Mãɨpuru Judapa chok'ará romanepema papaká berã mãɨnepa chi Tachi Ak'õre te ot'eapataɨrã mãɨ ne uu ĩjũanea ateewãsima. Ãchi chi p'aarerã chi mãɨrã chaarearãpa mãɨnepa p'ariseorã pida Juda ome peesidama. Ãchia ĩpira, laap'ara mãɨnepa jiorro uru p'anasidama.

Hecho 10:1

Cesarea p'uurude ẽpẽra Cornelio apataɨ basima. Ichi Italia tuadepema papaká berã chi mãɨrã chaarea pasima.

Hecho 21:31

Pablo pea k'ɨ̃ria p'anɨmisa abaɨpa romanepema papaká berã chi atepe poro chaarea bɨa jarade wãsima ãarea Jerusalene p'anɨrã k'ĩruupik'asidat'a.

Hecho 21:37

Papaká berãpa Pablo ãchi tuanapataɨ tede eda ateewãutade Pablopa chi poro chaarea bɨa griego pedeade nãɨya idisima: —¿Pia bɨk'ãra mɨ pɨ ome ne pedeait'a? Chi poro chaarea bɨpa p'anoosima: —¿Pɨa griego pedea k'awa bɨk'ãra?

Hecho 23:10

Ãchi mãicha atepe k'ĩruu pedea p'anɨ pẽra papaká berã chi atepe chaarea bɨpa wap'ea basima Pablo wawaria p'edait'a. Mãɨpuru papaká berã wãpisima Pablo ãchi t'ãenapema ẽemarinak'ari chi papaká berã tuanapataɨ tede eda ateewãnamẽrá.