Juan 15:21 - Tachi Ak'õre Pedea

²¹ Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Juan 15:21 Iomraidhean Croise

Mateo 10:18

Mɨne ĩjãa p'anɨ k'orea mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa ãchi k'ĩrari mãɨnepa judiorãwẽ k'ĩrari pida mɨ k'orea pedeadaipɨ.

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Mateo 10:39

Abaɨ pida nãɨ ĩjũane itu ichi k'orea k'ɨ̃risia bɨpɨra, mãɨ atuaipɨ. Maamina abaɨ pida mɨ k'orea piuipɨra, mãɨ Tachi Ak'õre ome ewaricha chok'ae baipɨ.

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

Marco 13:13

Mɨne ĩjãa p'anɨ k'orea jõmãɨrãpa mãra unuemaanaipɨ. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Luca 21:12

»Maamina mãɨ naena mãra ẽp'ẽnaipɨ mĩapidai k'orea. Waapẽarã jitadak'ari judiorã ará pedeapataɨ tedea ateewãnaipɨ. Maapae ak'ɨdak'ari eda jɨ̃a nɨbɨpidaipɨ. Ichiaba mɨne ĩjãa p'anɨ k'orea mãra chi tua chaarearã k'ĩrari mãɨnepa chi minachia k'awa p'anɨrã k'ĩrari ateedaipɨ.

Luca 21:17

Mɨne ĩjãa p'anɨ k'orea jõmãɨrãpa mãra unuemaanaipɨ.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 16:3

Mãɨya oodaipɨ mɨ Ak'õre, mɨ sida atua p'anɨ pẽra.

Juan 17:25

Ak'õre, pɨ jĩp'a bɨma. Nãɨ ĩjũanepemarãpa pɨ atua p'anɨma, maamina mɨa pɨ k'awa bɨma. Mãɨnepa nãɨrã pida k'awa p'anɨma pɨa mɨ nãmá peesit'a.

Juan 8:19

Mãɨne ãchia Jesua idisidama: —Mãɨya bɨpɨra pɨ ak'õre ¿sãma bɨma? Jesupa p'anoosima: —Mãrapa mɨ atua p'anɨma mãɨnepa mɨ Ak'õre atua p'anɨma. Mãrapa mɨ piarã k'awautapara, mɨ Ak'õre sida k'awadai pasima.

Juan 8:54

Jesupa p'anoosima: —Ara mɨ k'orea pia pedeaipɨra mãɨpa jarawẽa bɨma mɨ chi atepe pia bɨt'a. Maamina mɨ Ak'õrepa mɨ k'orea pia pedea bɨma. Mãrapa ichi mãra Tachi Ak'õreane a p'anɨma.

Juan 8:55

Maamina ichi atua p'anɨma. Mãɨne mɨa ichi k'awa bɨma. Ichi atua bɨade adapara mɨ mãra jĩra chi sea bai pasima. Maamina mɨa ichi k'awa bɨ pẽra ichi pedea oo bɨma.

Hecho 17:23

P'uurude p'ɨrrɨa nine mɨa unusima juapa oodada sãdo te minachia p'anɨt'a. Ne paateapataɨde nãɨ pedea bɨ basima: “Tachi Ak'õre chi tachia atua p'anɨ pae ooda”. Chi mãrapa atua p'anɨ Tachi Ak'õrea, mãɨa pia pedeapatama. Ara mãɨ Tachi Ak'õre k'orea mɨa mãrá jararuma.

Hecho 26:9

—Mɨa naena k'ɨ̃risia basima ne ãarea ooi bɨt'a ẽpẽerãpa Jesú Nazaredepema ĩjãapidaemaapa.

Hecho 3:17

»Mɨ ũpẽarã judiorã, mɨa k'awa bɨma mãrapa mãɨnepa mãra minachia k'awa p'anɨrãpa Jesú peasidama ichi chi Tachi Ak'õrepa Tachi K'aripaparí teai jarada k'awadaé pasi pẽra.

Hecho 4:17

Maamina waapẽarã́ mãɨ k'orea waa pedeapidaemaapa, tachia ãchi nemietá oodayade adaipɨ, mãɨ Jesú t'ɨ̃ne waa pedeapidaemaapa».

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Hecho 9:14

Mãɨ awara p'aarerã chi mãɨrã chaarearã t'ɨ̃nepa nãɨ p'uurudea che bɨma pɨde ĩjãapataɨrã jõma jita ateei k'orea.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 2:8

Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

3 Juan 1:7

Ãchi Jesucristo k'orea jarateade wãsidaɨde, chi Tachi Ak'õrene ĩjãanak'apɨɨrã́ ne ididaé pasima k'aripadamẽrá.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.