Juan 15:2 - Tachi Ak'õre Pedea

² Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Juan 15:2 Iomraidhean Croise

Mateo 13:12

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Mateo 13:33

Ichiaba Jesupa mãicha nepɨrɨsima jarateai k'orea: «Pajãne Bɨpa ichidirã ichi juade ua bɨt'a p'ana ooropiparí jĩra bɨma. Mãɨ p'ana ooropiparí wẽrapa ãpia atak'ari harina ome p'oerasima. Maapae minachia eapasima ãarea ẽesãarunea».

Mateo 15:13

Jesupa p'anoosima: —Mɨ Ak'õre pajãne bɨpa, ichia uudawẽ paara ãarea ẽut'aak'oaipɨ, chi k'arra para.

Mateo 21:19

Mãɨne higojõ bɨɨrɨ ok'á nɨbɨ unusima. Maamina ará wãside chi k'irúawa nɨbɨ unusima. Mãɨpuru higojõ bɨɨrɨa jarasima: —¡Pɨ waa chauwẽa baipɨ! Ara mãɨne higojõ bɨɨrɨ p'urpasima.

Mateo 25:29

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Mateo 3:10

Tachi Ak'õrepa chaara uru bɨma pak'uru t'ut'aak'oai k'orea. Ãarea pak'uru pia chaudak'a t'ut'aak'oak'ari t'ɨpɨde bat'ak'oaipɨ.

Mateo 3:12

Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».

Mateo 7:19

Pak'uru bɨɨrɨ pia chauwẽpɨra, t'ut'aadak'ari paapatama.

Marco 4:20

Maamina chi net'a tau ĩjũa piade p'oda nãɨya jara k'ɨ̃ria bɨma: chi eda waapẽarãpa Tachi Ak'õre pedea pia ũrinak'ari ĩjãapatama. Mãɨrã chi waapẽarãpa nepia ãpia oopatama mãɨnepa chi waapẽarãpa ne wait'apea oopatama, mãɨ awara chi waapẽarãpa ne minachia oopatama».

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Juan 15:1

»Mɨ chi uva bɨɨrɨ piarãpẽapɨ. Mɨ Ak'õre chi uva uuda ak'ɨparipɨ.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 15:3

Mɨ pedea ĩjãa p'anɨ pẽra mãra pak'uru jua jĩrak'aua t'ɨat'uda jĩra pia p'anɨrãpɨ.

Juan 15:6

Chi mɨ ome ará bɨwẽt'a, mãɨ mɨ Ak'õrepa awara bɨipɨ pak'uru jua chauk'apɨ́ jĩra. Mãɨ pak'uru jua p'urpak'ari tachia ará jɨrɨp'edak'ari t'ɨpɨde paapatama.

Juan 15:8

Mãra pia chaudaipɨra unupidaipɨ piarã mɨ ome p'ɨrrɨapataɨrãt'a. Mãɨya unupidaipɨ mɨ Ak'õre chi choma bɨt'a.

Juan 17:12

Mɨ nãma basi ewarimisa pɨ jua chaareadepa mɨa ãarea pɨa teadaɨrã ak'ɨ basima. Ãchidepemarã mi ãpia pida atuaé pasima. Abapuru chi atuai badat'a atuasima Tachi Ak'õre pedea jara bɨ jĩra piarã mãɨyamẽrá.

Romano 11:17

Chi eda waapẽarã judiorã Tachi Ak'õre awara p'aneesidama olivo pak'uru jua t'ɨat'upataɨ jĩra. Mãra judiorãwẽ Tachi Ak'õre newẽa p'anasidama olivo pak'uru chi ichi tuaba mẽa warida jĩra. Maamina mãra Tachi Ak'õrene ẽpẽrarã p'aneesidama, pak'uru jua chi t'ɨat'udade ara mãɨ juade wãa nɨbɨda jĩra. Mãɨya naapae Tachi Ak'õrepa mãra sida k'aripa bɨma judiorã k'aripa bada jĩra.

Romano 11:22

Minachia k'ɨ̃risiat'ɨ sãmaasã́ Tachi Ak'õrepa ichi sõpiadepa k'aripapari mãɨnepa sãmaasã́ ɨtɨapari. Judiorãpa ĩjãanaé pasi pẽra Tachi Ak'õrepa ɨtɨak'ari ãchi itu bɨsima. Mãɨne mãra judiorãwẽ ichi sõpiadepa k'aripa bɨma mãɨnepa k'aripa baipɨ. Maamina mãɨnepa p'ananai p'anɨma. Mãrapa ĩjãa p'ananaiwẽpɨra, Tachi Ak'õrepa mãra sida ɨtɨak'ari itu bɨipɨ pak'uru jua t'ɨat'uk'oaru jĩra.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

1 Corintio 13:1

Mɨ nãɨ ĩjũanepemarã pedeade pedeaipɨra mãɨnepa Tachi Ak'õrepa ɨt'aripa peeda pedeade pedeaipɨra, mãɨne waapẽarã ẽpẽrarã k'ɨ̃riak'apɨra, mɨ jiorro ooda jĩk'uapari jĩra wa k'ãp'ãna jĩk'uapari jĩra bɨma.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.