Juan 15:16 - Tachi Ak'õre Pedea

¹⁶ Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 15:16 Iomraidhean Croise

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Mateo 7:7

»Mãra newẽa p'anɨ Tachi Ak'õrea ɨt'aa chiidi p'anat'ɨ; mãɨne ichia mãrá teaipɨ. Jɨrɨ p'anat'ɨ; ichia unupiipɨ. Tede eda wãpataɨde t'ɨ̃t'ɨ; mãɨne chi eda wãpataɨ ewai jĩra, ichia teaipɨ.

Luca 6:13

Ãsã pak'ari ichi ome p'anɨrã ará t'ɨ̃k'oak'ari mãɨrãnepema doce jɨrɨ atasima. Mãɨ doce jɨrɨ atadaɨrã “ichia peedaɨrã” bɨk'oasima.

Juan 13:18

»Mɨa mãɨ mãrá ãarea jarawẽa bɨma, mɨa jɨrɨ atadaɨrã sãmaasã́ bet'a k'awa bɨ pẽra. Maamina mɨa jararuma Tachi Ak'õre pedeade bɨ bɨ jĩra piarã mãɨyamẽrá: “Chi mɨ ome nek'o bada, mɨ ome chi nek'ĩramá beesima”.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Juan 15:5

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 6:70

Jesupa jarasima: —Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.

Hecho 1:24

Maapae ãareaɨrãpa Tachi Ak'õrea nãɨya ɨt'aa chiidisidama: —Tai Chipari, ãareaɨrãpa sõne k'ɨ̃risia p'anɨt'a pɨa mãɨ k'awa bɨma. Taiyá unupise nãɨ ẽpẽra umepemarã chi sãɨ pɨa jɨrɨ atait'a,

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Hecho 10:41

Tachi Ak'õrepa ãareaɨrã́ unupié pasima maamina taiyá unupisima mãɨ k'orea ateeda pẽra. Ichi chok'ae p'irabarik'ari tai ichi ome nek'osidama mãɨnepa netosidama.

Hecho 22:14

Maapae Ananiapa jarasima: “Tachi Ak'õre tachi chõarãenapema ome badapa pɨ jɨrɨ atasima ichia k'ɨ̃ria bɨt'a k'awamẽrá, chi Jĩp'a Bɨt'a unumẽrá mãɨnepa ichia pedearut'a ũrimẽrá.

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Romano 9:21

¿Chi chok'o k'aparipa oo k'ɨ̃ria bɨ jĩra ooiwẽa bɨk'ãra? ¿Chok'o arapaapataɨ ewari k'oreapema mãɨnepa paritua ewari k'oreapema chi abarik'a yooropa k'ai bɨwẽk'ãra?

1 Corintio 10:11

Jõma ãchi mãɨyanapa unupi bɨma sãmaasã́ Tachi Ak'õrepa chi nemietá ɨtɨaparit'a. Mãɨ Tachi Ak'õre pedeade bɨ bɨma, tachi nãɨ k'aadea ewaridepemarãpa ara mãɨ jĩra oopidaemaapa.

Gálata 1:15

Maamina mɨ t'õi naena Tachi Ak'õrepa mɨ jɨrɨ atasima, mãɨnepa ichi piadepa mɨ t'ɨ̃sima ichi pae pari mimiaparí bamẽrá. Ichia k'ɨ̃risiada jĩra,

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

2 Timoteo 1:11

Tachi Ak'õrepa mɨ bɨsima mãɨ pedea pia jaraparí bamẽrá, Jesucristopa peeda bamẽrá, mãɨnepa judiorãwẽmá jarateaparí bamẽrá.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

Tito 1:5

Mɨa pɨ p'usa estaik'a ĩjũa bɨ Creta apataɨde ameesima tachia oodai p'anana jõma oomẽrá. Mɨa jarada jĩra ĩjãapataɨrã ak'ɨpataɨrã chõarã p'uurucha bɨk'oase.

Hebreo 11:4

Abelpa Tachi Ak'õrene ĩjãa bada pẽra, Caínpa teada k'aepẽra nepia bɨt'a teasima. Ĩjãana pẽra ichia teada Tachi Ak'õrepa pia unuk'ari, jarasima ichi jĩp'a basit'a. Abel piudamina ichia piarã ĩjãa badapa tachiá wapida k'awapi bɨma Tachi Ak'õrene ĩjãanai p'anɨt'a.

Santiago 3:18

Ne k'ɨ̃risiawẽa baparidepa, waapẽarã ne k'ɨ̃risiawẽa p'anapiparima, net'a tau uupari jĩra. Mãɨ ẽpẽrapa unuipɨ chi waapẽarãpa jĩp'a oo p'anɨt'a, nejõ bɨɨrɨ pia chaupari jĩra.

1 Pedro 3:15

Cristo mãra Chipari pẽra sõnepa ichit'a wap'eat'ɨ. Chi Cristodepa ne atadai nɨ p'anɨ k'orea pia pedeadayá p'anat'ɨ. Mãɨya abaɨpa idisira, p'ue k'ĩruu pedeadawẽa pia p'anoonaipɨ.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

1 Juan 4:19

Tachia Tachi Ak'õre k'ɨ̃ria p'anɨma ichia tachi naa k'ɨ̃riana pẽra.