Juan 14:2 - Tachi Ak'õre Pedea

² Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima.

Juan 14:2 Iomraidhean Croise

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 13:36

Simón Pedropa Jesua idisima: —Tai Chipari, ¿pɨ sãmá wãima? Mãɨne Jesupa p'anoosima: —Mɨ wãrumá pɨ nãɨyana p'ue wãiwẽma, maamina mãɨya bak'ari mɨ k'aade wãipɨ.

Juan 14:28

Mɨa mãrá jarasima mɨ wãrut'a mãɨnepa mãicha mãramá cheit'a. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá.

Juan 16:4

Maamina mɨa mãɨ ãarea mãrá jararuma, mãɨ ewari cherude mɨa jarada k'ɨ̃risiadak'ari p'erawẽa p'ananamẽrá. »Mɨa naena mãrá mãɨ jaraé pasima mãra ome bada pẽra.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

2 Corintio 5:1

Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

1 Tesalonicense 5:9

Tachi Ak'õrepa tachi t'ɨ̃é pasima ɨtɨai k'orea, mãɨpari t'ɨ̃sima Tachi Chipari Jesucristodepa k'aripamẽrá.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

Hebreo 11:10

Abrahán mãɨya bapachima, chi p'uuru jõk'á bɨdea bade wãi k'orea nɨ bada pẽra. Mãɨ p'uuru Tachi Ak'õrepa minachia k'ɨ̃risia bak'ari ãarea oosima.

Hebreo 13:14

Nãɨ ĩjũane tachi p'uuru jõk'apɨɨwẽne p'anɨwẽma, mãɨpari nɨ p'anɨma p'uuru jõk'apɨɨde p'ananai k'orea.

Hebreo 9:8

Mãɨnepa Tachi Ak'õre Jaorepa k'awapi basima p'aarerãpa wapida Tachi Ak'õre te nãɨ ĩjũane bɨde ne oodai p'anɨmisa ẽpẽrarã wapida Tachi Ak'õre te pajãne bɨde p'ue eda wãnaiwẽa p'anasit'a.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 21:2

Mãɨnepa mɨa unusima Tachi Ak'õre p'uuru, chi Jerusalén chiwidi apataɨ, Tachi Ak'õre bɨmãɨpa pajãnepa edá cherut'a. Mãɨ p'uuru pia basima wẽra k'ima atarude minachia k'ak'apia bɨ jĩra.

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.