Juan 13:8 - Tachi Ak'õre Pedea

⁸ Maamina Pedropa jarasima: —¡Mɨ jĩru pɨa ewariaba pida sɨɨiwẽma! Jesupa jarasima: —Mɨa pɨ jĩru sɨɨepɨra, pɨ mõrewẽpɨ.

Juan 13:8 Iomraidhean Croise

Mateo 16:22

Mãɨya jarada k'orea Pedropa ichi awara ateewãk'ari ɨtɨasima: —Mɨ Chipari, mãɨya pedearãse. Tachi Ak'õrepa mãɨyapiiwẽma.

Mateo 21:29

Mãɨne chi warrapa p'anoosima: “¡Mɨ wãiwẽma!” Maamina mãɨya bak'ari pia k'ɨ̃risiak'ari mimiane wãsima.

Mateo 26:33

Mãɨne Pedropa Jesua jarasima: —Jõmãɨrãpa pɨ tuaba ameenaimina, mɨa pɨ ameeiwẽma.

Mateo 26:35

Maamina Pedropa jarasima: —Mɨ pɨ ome peautamina, pɨ tuaba ameeiwẽma. Chi waapẽarãpa ara abarik'a jarasidama.

Juan 13:6

Jesupa Simón Pedro bɨɨrɨ sɨɨyá ooside, Pedropa nãɨya jarasima: —Mɨ Chipari, ¿pɨa mɨ jĩru sɨɨik'ãra?

Juan 13:9

Mãɨpuru Simón Pedropa jarasima: —Mãɨya bɨpɨra, mɨ Chipari, mɨ jĩru aba sɨɨrãse, ¡mãɨpari mɨ jua mãɨnepa mɨ poro sida sɨɨse!

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Hecho 22:16

¡Waa nɨrãse! P'irabarik'ari porochoase. Ichiá ɨt'aa chiidise. Pɨa nemietá ooda ichia ãarea k'ɨ̃risia atuaipɨ”.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

Colosense 2:18

Mãɨ k'orea abaɨ pida mãrapa nepia pajãne atadaiwẽane adaipɨra, ĩjãarãt'ɨ. Chi mãɨya pedeapataɨrã sea nipapatama waapẽarã k'aepẽra k'aepe be jĩra. Ãchia Tachi Ak'õrepa ɨt'aripa peedaɨrã minachia k'ɨ̃riapatama. K'ãmok'araa jĩra ununana minachia jarateapatama. Tachi k'ak'uapa ne piawẽa ooyá bɨdepa ẽpẽra minachia k'awa bɨ jĩra paritua k'ɨ̃risiapatama.

Colosense 2:23

Piarã mãɨ k'ɨ̃risiat'a ne k'awapari jĩra bɨma. Ãchia jarapatama ara tachi tuaba ne oo p'anɨnepa Tachi Ak'õre ome p'ue pia p'ananai p'anɨ, waapẽarã k'aepẽra k'aepea nipadai p'anɨ, mãɨnepa ara tachi tuaba tachi k'ak'ua p'uapii p'anɨnepa minachia mĩa p'ananai p'anɨ. Maamina jõma makɨɨpa tachi k'ak'uapa nemietá ooyá bɨ jõpik'ama.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.