Juan 12:42 - Tachi Ak'õre Pedea

⁴² Isaíapa mãɨya bɨdamina chok'ará judiorãpa mãɨnepa p'aarerã chi mãɨrã chaarearã pida Jesude ĩjãasidama. Maamina waapẽarã́ mãɨ jaradaé pasima. Wap'ea p'anasidama p'ariseorãpa chi ará pedeapataɨ tedepema ãyá jeret'aadait'a.

Juan 12:42 Iomraidhean Croise

Mateo 10:32

»Abaɨpa ẽpẽrarã k'ĩrari mɨne ĩjãa bɨade aipɨra, mɨ Ak'õre pajãne bɨ k'ĩrari mɨa ichi mõréane aipɨ.

Luca 12:8

»Mɨa nãɨ jararuma: abaɨ pida ẽpẽrarã k'ĩrari mɨne ĩjãa bɨade aipɨra, Tachi Ak'õre peedarã pajãnepema k'ĩrari mɨ, chi Ẽpẽra Warrapa ichi mõréane aipɨ.

Luca 23:13

Maapae Pilatopa chi p'uurude minachia berã, chi p'aarerã chi mãɨrã chaarearã mãɨnepa p'uurudepemarã ará t'ɨ̃k'oasima.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Juan 11:45

Chok'ará judiorã María ak'ɨde wãnaanarãpa Jesupa ooda unusidama. Mãɨpuru ãchia ichide ĩjãasidama.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Juan 19:38

Mãɨya nak'ari judio José apataɨ Pilatomá wãsima. Mãɨ José Arimatea p'uurudepema pasima. Ichi Jesú ome p'ɨrrɨaparí pasima, maamina mi ãpia pida abaɨa jarak'a pasima waapẽarã judiorã wap'ea bɨ pẽra. Ichia Jesú k'ak'ua Pilatoa idisima t'ɨbaride ateewãi k'orea. Mãɨpuru Pilatopa itu ateewãpisima. Ara mãɨne Josepa Jesú k'ak'ua t'ɨbaride ateewãsima.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 7:13

Maamina judiorã chi minachia k'awa p'anɨrã wap'ea p'anɨ pẽra mi ãpia pida Jesú k'orea jĩk'ua pedeadak'a pasima.

Juan 7:31

Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Juan 9:22

Chi ak'õrepa mãɨnepa chi naepa mãɨya jarasidama judiorã chaarearã wap'ea p'anɨ pẽra. Piarã mãɨ judiorãpa jarasidama parituapa Jesú Tachi Ak'õrepa Tachi K'aripaparí teai jaradaade aipɨra, mãɨ chi judiorã ará pedeapataɨ tedepema ãyá jeret'aadayade asidama.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 10:10

Piarã chi mãɨpa sõnepa ĩjãaipɨra, chi Tachi Ak'õre taade jĩp'a berã paara baipɨ. It'aedepa Jesú jõmãɨrã Chipariade aipɨra ichia k'aripaipɨ.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

1 Juan 4:2

Nãɨya mãrapa k'awadaipɨ k'ai Tachi Ak'õre Jaoredepa pedea bɨt'a: abapa Jesucristo nãɨ k'ak'uade piarã chesiade aipɨra, Tachi Ak'õre Jaoredepa pedea bɨma.