Juan 12:19 - Tachi Ak'õre Pedea

¹⁹ Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».

Juan 12:19 Iomraidhean Croise

Mateo 21:15

Maamina Jesupa mãma ẽpẽrarãpa ne p'ue oodak'apɨ́ oo bɨt'a ooside, warrarã Tachi Ak'õre te minachia bɨ p'ananapa Jesua nãɨya jĩk'ua biasidama: «¡Minachia pia bɨma Davidepa cheda!» Mãɨ p'aarerã chi mãɨrã chaarearãpa mãɨnepa Moisepa bɨda jarateapataɨrãpa mãɨ unusidaɨde k'ĩruusidama.

Juan 12:18

Jesupa mãɨ ẽpẽerãpa ne p'ue oodak'apɨ́ ooda chok'araɨrãpa ũrisidama. Mãɨpuru ichiá pia pedeade wãsidama.

Juan 12:20

Mãɨ arapaapataɨ ewari oo p'anɨne waapẽarã griegorãpa Tachi Ak'õrea pia pedeadai k'orea Jerusalenea chesidama.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Juan 3:26

Mãɨne Juanmá wãnak'ari jarasidama: —Jarateaparí, chi pɨ ome Jordán k'ĩrari badapa ẽpẽerã porochoa bɨma, chi pɨa ichi k'orea pia pedea badapa. Mãɨ ãareaɨrã ichimá wãutama.

Hecho 17:6

Maamina ãchi ununaé pasima. Mãɨ k'orea Jasón mãɨnepa chi waapẽarã ũpẽarã jitadak'ari chi p'uurudepema chaarearãmá jidibari ateewãsidama. Ãareaɨrãpa biadak'ari jarasidama: «Nãɨrã ẽpẽerãpa nãɨ ĩjũane ãarea nepɨra oo p'anɨpa ara mãɨya abarik'a nãmá oode chesidama.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.