Juan 11:42 - Tachi Ak'õre Pedea

⁴² Mɨa k'awa bɨma pɨa mɨ pedea ũri baparit'a, maamina mɨa mãɨ jarasima nãɨrã ẽpẽerãpa k'awadamẽrá pɨa mɨ peesit'a.

Juan 11:42 Iomraidhean Croise

Mateo 26:53

Mɨ Ak'õrea idiipɨra ara mãɨne ichia ɨt'aripa peedarã minachia peeipɨ. ¿Pɨa mãɨ k'awawẽa bɨk'ãra?

Juan 11:22

Maamina mɨa k'awa bɨma pɨa ãarea Tachi Ak'õrea idirut'a ichia mãɨ ooit'a.

Juan 11:31

Judiorã María tiida p'anasidama ichi sõpiapidai k'orea. Mãɨne unusidama ichi isapea p'irabarik'ari tajatá wãrut'a. Chi t'ɨbaridaadamá jẽane wãsiade a k'ɨ̃risiadada pẽra, k'aade wãsidama.

Juan 11:43

Mãɨya jarak'ari Jesupa jĩk'ua jarasima: —¡Lázaro, tajatá chese!

Juan 12:17

Jesupa Lázaro t'ɨbari badamãɨpa tajatá chepade aside, mãɨ chok'ae p'irabaripiside chok'ará ẽpẽerã arí p'anasidama. Mãɨya nak'ari ãchia ununana waapẽarã́ nepɨrɨpachidama.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Juan 17:25

Ak'õre, pɨ jĩp'a bɨma. Nãɨ ĩjũanepemarãpa pɨ atua p'anɨma, maamina mɨa pɨ k'awa bɨma. Mãɨnepa nãɨrã pida k'awa p'anɨma pɨa mɨ nãmá peesit'a.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 3:17

Tachi Ak'õrepa ichi Warra nãɨ ĩjũanea peé pasima ẽpẽerã nepɨra pará p'anɨane amẽrá mãɨpari peesima k'aripamẽrá.

Juan 8:16

Mɨa ẽpẽerã sãmaasã́ be ak'ɨk'ari jaraipɨra, mɨa jara bɨ piarãpɨ, mɨ tuaba pida mãɨya jarawẽa bɨ pẽra. Mãɨpari mɨ Ak'õre, mɨ Peedapa mɨ ome mãɨya jara bɨma.

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.