Juan 11:4 - Tachi Ak'õre Pedea

⁴ Mãɨ pedea ũriside Jesupa jarasima: —Lázaro piuiwẽma, maamina mãɨ k'ɨdade bɨ, ẽpẽerãpa k'awadamẽrá Tachi Ak'õre mãɨnepa chi Warra ãchi chi chomarãpɨ.

Juan 11:4 Iomraidhean Croise

Juan 10:38

Maamina ichia oo bɨt'a mɨa oo bɨpɨra, mɨa jara bɨ k'orea mãrapa ĩjãanawẽa p'anɨmina mɨa oo bɨt'a k'orea ĩjãat'ɨ. Mãɨya mãrapa piarã k'awadaipɨ mɨ Ak'õre mɨ ome bɨ mãɨnepa chi mɨ Ak'õre mɨ ome bɨt'a.

Juan 11:40

Maamina Jesupa jarasima: —¿Mɨa jarawẽa basik'ãra pɨa piarã ĩjãaipɨra, Tachi Ak'õre chi choma bɨ unuit'a?

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Juan 17:10

Ãarea mõré porepɨ mãɨnepa ãarea poré mõrepɨ. Ãchia oo p'anɨnepa mɨ chi choma bɨt'a unupi p'anɨma.

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 8:54

Jesupa p'anoosima: —Ara mɨ k'orea pia pedeaipɨra mãɨpa jarawẽa bɨma mɨ chi atepe pia bɨt'a. Maamina mɨ Ak'õrepa mɨ k'orea pia pedea bɨma. Mãrapa ichi mãra Tachi Ak'õreane a p'anɨma.

Juan 9:24

Mãɨpuru judiorã chi mãɨrã chaarearãpa chi tau p'ãrio badá mãicha t'ɨ̃nak'ari jarasidama: —Tachi Ak'õre k'ĩrari taiyá jãɨ ẽpẽra k'orea piarã jarase. Taipa k'awa p'anɨma ichi nemietá ooparipɨ.

Juan 9:3

Jesupa p'anoosima: —Ichia nemietá oodadepa wa chi ak'õrerãpa nemietá oodaadadepa jãɨya t'õé pasima. Mãɨpari chi tau p'ãrio t'õsima ichidepa Tachi Ak'õrepa ne oorut'a ẽpẽerãpa ununamẽrá.

Romano 11:11

Nãɨ mɨa idiruma: ¿judiorãpa Cristo itu bɨsida pẽra waa Tachi Ak'õre ome p'ue pia p'ananaiwẽk'ãra? ¡Mãɨyawẽma! Mãɨpari mãɨya oodada pẽra Tachi Ak'õrepa judiorãwẽ k'aripaparima. Mãɨya judiorãpa jiwá p'aneenak'ari ichi k'ɨ̃rianaipɨ.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.