Juan 10:3 - Tachi Ak'õre Pedea

³ Mãɨ pae k'ãipataɨ ak'ɨparipa chi eda wãpataɨ ewaparima. Ovejapa ãchi ak'ɨparí pedea k'awa p'anɨma. Ãchicha t'ɨ̃k'oak'ari tajatá ateewãparima.

Juan 10:3 Iomraidhean Croise

Juan 10:14

»Mɨ oveja ak'ɨpari chi pia bɨpɨ. Mɨchidirã k'awa bɨma chi oveja ak'ɨparipa ichi oveja k'awa bɨ jĩra. Mãɨnepa mɨchidirãpa mɨ k'awa p'anɨma.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 10:4

Jõma tajatá ateewãk'ari ãchi naa wãparima. Oveja ichi k'aade wãpatama ichi pedea k'awa p'anɨ pẽra.

Juan 10:9

»Mɨ chi eda wãpataɨpɨ. Chi mɨnepa eda wãru nemietaadepema k'aripaipɨ. Ne k'ɨ̃risiawẽa baipɨ, mãɨ ichia newẽa bɨ Tachi Ak'õrepa teai pẽra.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 6:45

Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

1 Corintio 16:9

Nãma chi mɨ unuemaa minachia p'anɨmina p'ue Tachi Ak'õre pedea pia jaratea baipɨ mãɨnepa chok'araɨrãpa ĩjãautama.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Juan 4:6

Maamina tachi Tachi Ak'õrenepɨ. Chi Tachi Ak'õre k'awa bɨpa tachia jaratea p'anɨt'a ĩjãaparima. Chi Tachi Ak'õre atua bɨpa tachia jaratea p'anɨt'a ĩjãak'ama. Mãɨnepa tachia k'awa p'anɨma k'aipa Tachi Ak'õre Jaoredepa piarã pedea jaratea bɨt'a mãɨnepa k'aipa awaraɨ jaoredepa sea jaratea bɨt'a.

3 Juan 1:14

Tãaraawẽane pɨ ak'ɨde wã k'ɨ̃ria bɨma. Maapae ará pedeadaipɨ.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.

Apocalipsi 7:17

Chi suak'a beeparí auk'ará bɨde Oveja Chak'epa ãchi ak'ɨ baipɨ. Ãchi ateewãipɨ chi pania tachi chok'ae bapiparí t'ɨ nɨbɨmá mãɨ todamẽrá. Mãɨ ewaride Tachi Ak'õrepa ãchi tauba ãarea p'oapiipɨ.