Juan 1:4 - Tachi Ak'õre Pedea

⁴ Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 1:4 Iomraidhean Croise

Mateo 4:16

Mãra p'ãrione tuanasidama Tachi Ak'õre atua p'anana pẽra. Maamina idi ɨnaane p'anɨma Tachi Ak'õre k'awa p'anɨ pẽra. Mãra chok'ae p'anɨmina piuda jĩra tuanapachidama. Maamina idi ɨmata ɨnaaru jĩra Tachi Ak'õrepa piarã ichi k'orea mãrá k'awapii bɨma».

Luca 2:32

Ichi ɨnaa jĩra baipɨ judiorãwẽpa pɨ k'orea k'awadamẽrá. Ichi k'orea, pɨ p'uuru Israel k'orea pia jaradaipɨ».

Juan 11:25

Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Juan 12:46

Mɨ nãɨ ĩjũanea ɨnaa bɨ jĩra che bɨma chi mɨne ĩjãauta p'ãrione p'ananaemaapa.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 3:19

»Tachi Ak'õrepa nãɨ ĩjũanepemarã nepɨra pará p'anɨane aparima nãɨ k'orea: chi ɨnaa bɨ nãɨ ĩjũane chesima ãareaɨrãpa Tachi Ak'õre ununamẽrá. Maamina ẽpẽerãpa k'achia oopata pẽra p'ãriot'a k'ɨ̃riasidama.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Juan 9:5

Maamina nãɨ ĩjũane bɨde mɨ ẽpẽerã pae ɨnaa bɨ jĩra bɨma mɨ Ak'õre k'orea k'awadamẽrá.

Hecho 26:23

Ãchia jarapachidama Tachi Ak'õrepa Tachi K'aripaparí teai jarada mĩa bai basit'a mãɨnepa chi piudadepema naa chok'ae p'irabarii basit'a, chi tachi k'aripai ɨnaa bɨt'a judiorã́ mãɨnepa judiorãwẽa jarai k'orea.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.

1 Juan 1:2

Mãɨ chok'ae bapiparí Tachi Ak'õrepa nãɨ ĩjũane unupisima. Taipa ichi unusida pẽra ichi k'orea piarã pedea p'anɨma. Taipa mãrá jara p'anɨma mãɨ chi ewaricha chok'ae bapiparit'a. Jua chiwidieda ichi Tachi Pajãnepema Ak'õre ome pajãne bapachima. Ichi pajãne bada Tachi Ak'õrepa taiyá nãɨ ĩjũane unupisima.

1 Juan 5:11

Tachi Ak'õrepa jara bɨ nãɨpɨ: ichi Warradepa tachi ewaricha ichi ome chok'ae p'anapiipɨ.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

Apocalipsi 22:16

»Mɨ Jesupɨ. Tachi Ak'õrepa ɨt'aripa peeda peesima mãɨ ãarea ũpẽarã becha jaramẽrá. Mɨ Davidepa chedapɨ, chi ichidepa t'õnapɨ. Mɨ chi ãsã parudepema k'ãk'ãi minachia jẽrat'ĩupariade apatama».