Juan 1:34 - Tachi Ak'õre Pedea

³⁴ Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Juan 1:34 Iomraidhean Croise

Mateo 11:27

»Mɨ Ak'õrepa mɨá ara ichidepema ne ãarea k'awapisima. Abaɨ pida atua p'anɨma mɨ, chi Warra sãmaasã́ bɨ; aba mɨ Ak'õrepuru k'awa bɨma. Ara mãɨ jĩra abaɨ pida atua p'anɨma mɨ Ak'õre sãmaasã́ bɨ; abapuru mɨ, chi Warrapuru mãɨ k'awa bɨma. Mɨa abaɨa mɨ Ak'õre k'awapisira mãɨ ẽpẽra pida k'awaipɨ.

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 27:40

—Pɨa Tachi Ak'õre te minachia bɨ ãrik'ari ewari ũpeaɨde mãicha p'ue ooipɨra, ¡piarã ara pɨchi tuaba k'aripase! Pɨ Tachi Ak'õre Warrapɨra, jãɨ k'urusudepa edá chese.

Mateo 27:43

Ichia k'ɨ̃risia bɨma Tachi Ak'õre ichi ome bɨt'a. ¿Ichi Tachi Ak'õre Warraade aé pasik'ãra? Mãɨya bɨpɨra Tachi Ak'õrepa ichi piarã k'ɨ̃ria bɨpɨra, ara nãɨena k'aripai pia bɨma.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Mateo 4:6

Maapae tiorepa jarasima: —Pɨ piarã Tachi Ak'õre Warrapɨra, nãmãɨpa edá jĩitɨse. Tachi Ak'õre pedeade nãɨya bɨ bɨma: Tachi Ak'õrepa ɨt'aripa peedarã peeipɨ pɨ k'aripadamẽrá. Pɨ ãchi juade jitadaipɨ pɨ jĩru mawarapa p'uapiemaapa.

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.

Marco 1:11

Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ sõ arapá bɨma».

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 10:30

Mɨ, mɨ Ak'õre ome aba p'anɨma.

Juan 10:36

¿k'ãre k'orea jara p'anɨma mɨa ichidepema k'achia jarasiade a p'anɨma, mɨa abapuru ichi Warraade a bɨẽra? Tachi Ak'õrepa mɨ ara ichi pae bɨsima mãɨnepa nãɨ ĩjũanea peesima.

Juan 11:27

Mãɨne Martapa p'anoosima: —Ãjã mɨ Chipari, mɨa ĩjãa bɨma pɨ Tachi Ak'õre Warra, Tachi Ak'õrepa Tachi K'aripaparí teai jarada, chi nãɨ ĩjũane chei bada padat'a.

Juan 19:7

Maamina judiorãpa p'anoosidama: —Taipa Moisepa bɨda uru p'anɨma. Mãɨ Moisepa bɨdade jara bɨ jĩra ichi piui bɨma ara ichi Tachi Ak'õre Warraade a bɨ pẽra.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.

Hebreo 7:3

Melkisedé ak'õre, chi nae mãɨnepa ichi chõarãenapemarã k'orea Tachi Ak'õre pedeade bɨ bɨwẽma. Ichiaba ichi t'õna k'orea mãɨnepa piuda k'orea bɨ bɨwẽma. Mãɨya ichi Tachi Ak'õre Warra jĩra ewaricha p'aarepɨ.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

1 Juan 4:9

Tachi Ak'õrepa tachi k'ɨ̃ria bɨt'a unupisima ichi Warra aba bɨ nãɨ ĩjũanea peeside ichidepa ewaricha chok'ae p'ananamẽrá.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

2 Juan 1:9

Abaɨpa Cristopa jarateada k'aepẽra ichi k'ɨ̃risiadepa ne awara jaratea nipaipɨra, wa mãɨyawẽa Cristopa jarateada itu bɨipɨra, mãɨ Tachi Ak'õre newẽa bɨma. Maamina abaɨpa Cristopa jarateada ĩjãa baipɨra, chi Ak'õre mãɨnepa chi Warra sida uru bɨma.

Apocalipsi 2:18

»Ũpẽarã Tiatira p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Tachi Ak'õre Warrapa, chi tau t'ɨpɨ urua bɨ jĩra bɨpa, mãɨnepa ichi jĩru bronce t'ɨpɨde torroapidak'ari achiterrea bɨ jĩra bɨpa nãɨya jara bɨma: