Juan 1:33 - Tachi Ak'õre Pedea

³³ Mɨa ichi atua basima. Maamina mɨa panianepa porochoamẽrá Tachi Ak'õrepa peeside nãɨya jarasima: “Pɨa unuipɨ mɨ Jaore ẽpẽra ɨ̃rɨ chek'ari ichi ome beeit'a. Unurune pɨa k'awaipɨ mãɨpa ichi Jaoredepa porochoaipɨ”.

Juan 1:33 Iomraidhean Croise

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Luca 3:16

Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Juan 1:31

Naena mɨa Jesú mãɨya bɨt'a atua basima. Maamina mɨa paniapa porochoa bɨma Israel ĩjũanepemarãpa k'awadamẽrá k'ai Tachi Ak'õrepa peedat'a».

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

Hecho 1:5

Piarã Juanpa ẽpẽerã paniapa porochoasima, maamina tãaraawẽa bɨde Tachi Ak'õrepa ichi Jaoredepa mãra porochoaipɨ.

Hecho 2:4

Mãɨne Tachi Ak'õre Jaore jitadak'ari, pedea awara pedea para beesima, Tachi Ak'õre Jaorepa ãchi pedeapi badadepa.

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.