Juan 1:19 - Tachi Ak'õre Pedea

¹⁹ Nãɨ chi Juanpa ara ichi k'orea jaradapɨ. Judiorã chaarearãpa Jerusalenepa p'aarerã mãɨnepa Levidepemarã Juanmá peesidama ichiá nãɨya ididamẽrá: —¿Pɨ k'aima? ¿Pɨ Tachi Ak'õrepa Tachi K'aripaparí teai jaradak'ãra?

Juan 1:19 Iomraidhean Croise

Juan 1:7

mãɨ ɨnaa bɨ jĩra bɨ k'orea jaramẽrá, ichidepa jõmãɨrãpa mãɨne ĩjãanamẽrá.

Juan 10:24

Mãɨya bɨde judiorãpa Jesú jũranak'ari idisidama: —Waa ¿sãapae pɨa taiyá pɨ k'orea k'ɨ̃risia k'awapiwẽa uru baima? Pɨ Tachi Ak'õrepa Tachi K'aripaparí teai jaradapɨra, taiyá jĩp'a jarase.

Juan 10:31

Mãɨpuru judiorãpa mãicha mawara jitasidama ichi bat'a peadai k'orea.

Juan 11:19

Mãɨpuru chok'ará judiorã chesidama Marta, María ome sõchupuriadai k'orea ãchi ũpẽa piuda pẽra.

Juan 2:18

Mãɨya bɨde p'aarerã chi chaarearã arí p'anasidama. Mãɨrãpa Jesua jarasidama: —Taiyá unupise Tachi Ak'õrepa pɨá jãɨya oopi bɨt'a.

Juan 2:20

Mãɨne chi p'aarerã chaarearãpa jarasidama: —Nãɨ Tachi Ak'õre te minachia bɨ 46 ãyo mimiasidama mãɨ jõma oodai k'orea. Mãɨ pɨa ¿sãmaasã́ ewari ũpeaɨde jõma ooyade a bɨma?

Juan 5:10

Mãɨpuru judiorã chi chaarearãpa ẽpẽra k'ak'ua jɨpa beedá jarasidama: —Idi mimianak'apɨ́ ewari pẽra pɨ ne ẽpẽra uapataɨ p'ue atak'ari wãiwẽa bɨma.

Juan 5:15

Mãɨya nak'ari chi ẽpẽra judiorã chi chaarearãmá wãk'ari jarasima chi ichi jɨpa beepida mãɨ Jesú pasit'a.

Juan 5:16

Mãɨpuru p'aarerã chi chaarearãpa Jesú k'orea minachia k'achia pedea p'aneesidama mãɨ ẽpẽra mimianak'apɨ́ ewaride jɨpa beepida pẽra.

Juan 5:18

Mãɨ k'orea judiorã chi chaarearãpa ichi atepe peada k'ɨ̃ria p'aneesidama. Ichia mimianak'apɨ́ ewaride ne oodak'apɨ́ oodat'a k'ɨ̃rianaé pasima. Mãɨ awara mɨ Ak'õreane ada k'orea mãɨ atepe k'ɨ̃rianaé pasima mãɨpa ara ichi Tachi Ak'õreane ada pẽra.

Juan 6:41

Jesupa «mɨ chi p'ana ɨt'aripa chedade» ada pẽra, chi mãma p'anɨ judiorãpa ichi k'orea pedea piawẽa pedeasidama.

Juan 6:52

Mãɨya bɨde judiorã ãchi tuaba k'ɨ̃risia awara awará k'ĩruu pedea p'anasidadepa jara p'aneesidama: —¿Sãmaasã́ ichi k'ak'ua tachiá k'opiima?

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.

Juan 7:11

Judiorã chi minachia k'awa p'anɨrãpa mãɨ arapaapataɨ ewaride ichi ara mãma jɨrɨ p'anasidaɨde, nãɨya idipachidama: «¿Jãɨ Jesú sãma bɨma?»

Juan 7:15

Mãɨya bɨde chi mãma nɨbada judiorãpa k'ãre k'awa k'ɨ̃risiadaé pasima. Nãɨya jarasidama: «¿Mãɨ ẽpẽra sãmaasã́ minachia k'awa bɨma, k'art'a atua bɨpa?»

Juan 8:22

Mãɨpuru judiorã chaarearãpa ãchi tuaba pedea tuanasidama: —Mãɨya bɨpɨra ¿ichi tuaba piuik'ãra? ¿Ichia mãɨ k'orea jara bɨwẽk'ãra: “Mɨ wãrumá mãra p'ue wãnaiwẽane a bɨma”?

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.

Juan 8:57

Mãɨne judiorãpa Jesua jarasidama: —Pɨ waidi cincuenta ãyo bɨwẽma. ¿Sãmaasã́ pɨa Abrahán unusiade a bɨma?

Hecho 13:25

Ichi piui ewari ara k'ait'a paside Juanpa jarasima: “Mãrapa mɨ ¿k'ai k'ɨ̃risia p'anɨma? Mɨ Tachi Ak'õrepa Tachi K'aripaparí teai jaradawẽma. Maamina chi mɨ k'aadea cherut'a mɨ k'aepẽra chi atepe bɨma. Ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma”.

Hecho 19:4

Mãɨne Pablopa jarasima: —Juanpa jarapachima ẽpẽerãpa nemietá oopataɨ itu bɨdai p'anɨt'a Tachi Ak'õremá chedamẽrá. Mãɨya oosidara ichia porochoapachima. Mãɨ awara jarapachima chi ichi k'aadea cherude ĩjãanamẽrá. Mãɨ Jesú pasima.

1 Juan 1:5

Taipa Jesucristodepa ũrinana mãrá jara p'anɨ nãɨpɨ: Tachi Ak'õre ɨnaa bɨ jĩra bɨma ne ãareaɨne jĩp'a bɨ pẽra. Mãɨpa ichide p'ãrio mi ãpia pida newẽma.