Juan 1:17 - Tachi Ak'õre Pedea

¹⁷ Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 1:17 Iomraidhean Croise

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

Juan 5:45

»K'ɨ̃risiarãt'ɨ mɨ Ak'õre k'ĩrari mɨa mãra nepɨra pará p'anɨane ait'a. Mãrapa Moisé k'orea pia p'ananai k'ɨ̃risia p'anɨma. Maamina ara mãɨ Moisepa mãra mɨ Ak'õre k'ĩrari nepɨra pará p'anɨane aipɨ.

Juan 7:19

Moisepa ichia bɨdat'a mãrá teasima. Maamina mãrapa mãɨ ichia bɨda ĩjãanak'ama. ¿K'ãre k'orea mãrapa mɨ peadayá oo p'anɨma?

Juan 8:32

Mɨnepa mãrapa Tachi Ak'õre piarã k'awadaipɨ. Mãɨpa mãra chipari pae pari mimiaparí beada pari ãjã́ p'ananaipɨ.

Juan 9:29

Taipa k'awa p'anɨma Tachi Ak'õrepa Moisea pedeasit'a, maamina jãɨ ẽpẽra sãmapemat'a atua p'anɨma.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Hecho 7:38

Mãɨnepa Moisé ĩjũa pania newẽa bɨde ãarea israel ĩjũanepemarã ome basima. Mãma Sinaí eyade Tachi Ak'õrepa ɨt'aripa peeda ome pedeasima. Mãɨ tachi sãmaasã́ pia p'ananai pedea ũrik'ari, tachi chõarãenapemarã́ mãɨ jarasima.

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

2 Corintio 1:20

Piarã Tachi Ak'õrepa ooi jarada jõma Cristodepa ooparima. Mãɨ k'orea tachia Tachi Ak'õrea ɨt'aa chiidiutade Cristodepa piarãane apatama. Mãɨya ichi k'orea pia jara p'anɨma.

Gálata 3:17

Mɨa nãɨya jara bɨma: Tachi Ak'õre Abrahán ome pedea ausima. 430 ãyo wãyá pak'ari Moisea ichia bɨda bɨpisima. Maamina chi ichi Abrahán ome naa pedea auda, mãɨ Moisepa bɨda ãyá bɨé pasima. Ãyá bɨdapara ichia k'aripayade ada ooiwẽ pasima.

Hebreo 9:22

Piarã Moisepa bɨdade jara bɨma perá ne ãarea oapa jĩp'oi badat'a mãɨ Tachi Ak'õre k'ĩrari pia beemẽrá. Mãɨ oa ãrinaepɨra tachia nemietá oodada Tachi Ak'õrepa k'ɨ̃risia atuaiwẽma.