Apocalipsi 4:9 - Tachi Ak'õre Pedea

^9-10 Chi Tachi Ak'õre ewaricha chok'ae bɨ chi ichi suak'a beeparí auk'ará bɨde suak'a bɨma. Ara mãɨne chi ẽpẽra jĩra chok'ae bepa jara p'anɨma ichi auk'ará bɨma, ichiá pia pedea p'anɨma mãɨnepa ichiá sõpia p'anɨane a p'anɨma. Mãɨ jarautacha chi chõarã 24 p'anɨpa Tachi Ak'õre naa sĩraporode k'op'aneenak'ari chi ewaricha chok'ae bɨa pia bɨade apatama. Ãchi poro jũra jɨ̃pataɨ wẽanak'ari chi suak'a beeparí auk'ará bɨ taade bɨdak'ari nãɨya jarapatama:

Apocalipsi 4:9 Iomraidhean Croise

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Hebreo 7:8

Israel ĩjũanepemarãpa jitautadepema Levidepa chedada p'aarerã́ teapatama. Mãɨ p'aarerã piudaimina diez jitautacha ãchiá aba teapatama. Maamina Tachi Ak'õre pedeade jara bɨma Melkisedé wapida chok'ae bɨt'a. Mãɨya Abrahanpa ẽemarinanepema mãɨ piuk'apɨ́ p'aarea teasima. Diez joisiarucha aba teasima.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 10:6

Tachi Ak'õre t'ɨ̃ne pedeasima. Ichia nãɨ ĩjũa, pajã mãɨnepa p'usa mãɨnepa mãɨne nɨbee sida ãarea ook'oasima. Mãɨ Tachi Ak'õre ewaricha chok'ae bɨ t'ɨ̃ne nãɨya jarasima: «Tachi Ak'õrepa jarada tãaraawẽa bɨde jõma mãɨyaipɨ.

Apocalipsi 15:7

Mãɨne ẽpẽra jĩra k'ĩmari chok'ae p'anɨnepema abaɨpa chi Tachi Ak'õrepa ɨt'aripa peedaɨrã́ ãchicha p'arat'u jãjoa bɨ nee ooda teasima. Mãɨ p'arat'ut'a chi Tachi Ak'õre ewaricha chok'ae baparí k'ĩruu bɨ k'awapi bɨma.

Apocalipsi 21:5

Maapae chi suak'a beeparí auk'ará bɨde suak'abari bɨpa nãɨya jarasima: «Mɨa ne ãarea chiwidi oo bɨma». Mãɨnepa nãɨya jarasima: «Chi mɨa jaramaa bɨt'a k'art'ade bɨse piarã pedea pẽra mãɨnepa mãɨne p'ue ĩjãanai p'anɨ pẽra».

Apocalipsi 4:2

Ara mãɨne mɨ Tachi Ak'õre Jaorede beek'ari, suak'a beeparí auk'ará bɨt'a pajãne unusima. Mãɨ ɨ̃rɨ aba suak'abari basima.

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.

Apocalipsi 5:1

Mãɨnepa mɨa unusima ichi suak'a beeparí auk'ará bɨde suak'a bɨt'a ichi juaraari k'art'a porok'ok'oa pɨrada uru basima. Ara mãɨ k'art'a pɨrada k'ĩracha ne bɨ basima. Mãɨ k'ara bɨde eda k'ara basima k'araparí siete bɨdepa, abaɨ pida mãɨ ewapiemaapa.

Apocalipsi 6:16

Nãɨya jarasidama: «Eya, mawara, tai ɨ̃rɨ baet'ɨ. Tai mẽrat'ɨ chi suak'a beeparí auk'ará bɨde suak'abari bɨa tai unupiemaapa, mãɨnepa chi Oveja Chak'ea ɨtɨapiemaapa.

Apocalipsi 7:15

Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.