Apocalipsi 4:5 - Tachi Ak'õre Pedea

⁵ Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Apocalipsi 4:5 Iomraidhean Croise

Mateo 25:1

»Pajãne Bɨpa ichidirã ichi juade ua bɨt'a nãɨ jĩra baipɨ: ãwẽrarã diez p'anasidama. Ãchicha ĩpira atadak'ari, k'ĩramá nɨne wãsidama chi ɨmɨk'ĩra miak'ãii bɨ ome ununai k'orea.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Hecho 2:3

Mãɨne t'ɨpɨ tau jĩra ãchi ɨ̃rɨ cherut'a unusidama. Mãɨ ãchicha ãchi ɨ̃rɨ urua nɨbeesima.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.

Apocalipsi 10:3

Maapae ichi imama arraapari jĩra jĩk'ua biasima. Mãɨya biak'ari pa bari k'ak'o siete baesima.

Apocalipsi 11:19

Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 3:1

»Chi Sardi p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'a nãɨya bɨse: »Chi Tachi Ak'õre k'ĩrari jaore siete uru bɨpa mãɨnepa k'ãk'ãi siete uru bɨpa nãɨya jara bɨma: »Mãrapa oo p'anɨt'a mɨa k'awa bɨma. Ẽpẽerãpa jara p'anɨma mãrapa Tachi Ak'õre minachia ĩjãa p'anɨ pẽra chok'ae bet'a. Maamina piarã ara mãrapa Tachi Ak'õrene ĩjãanawẽa p'anɨ pẽra chi piudaadarãpɨ.

Apocalipsi 5:6

Mãɨne chi suak'a beeparí auk'ará bɨ taade, chi ẽpẽra jĩra k'ĩmari chok'ae p'anɨ mãɨnepa chi chõarã cuatro p'anɨ estarik'a mɨa Oveja Chak'e bai nɨbɨt'a unusima. Ichi chi peasida jĩra basima. K'achu siete uru basima. Mãɨnepa tau siete uru bɨma. Mãɨ tau siete p'anɨpa jara k'ɨ̃ria p'anɨma chi Tachi Ak'õre naa jaore k'ak'o siete p'anɨt'a. Tachi Ak'õrepa ãchi ãarea nãɨ ĩjũane p'ueparima.

Apocalipsi 8:5

Mãɨpuru chi Tachi Ak'õrepa ɨt'aripa peeda chi p'arat'u jitak'ari, ok'ĩtau chi incienso k'era paapataɨde jɨrɨp'ek'ari maapae chi p'arat'u ipirupisima. Chi ok'ĩtau ĩjũane bat'ak'oasima. Mãɨpa pa ɨbɨa baesima, pa minachia ɨrɨterrea wã nɨbeesima, pa wiwirá bae nɨbeesima mãɨnepa nãɨ ĩjũa ore nɨbeesima.