Apocalipsi 4:2 - Tachi Ak'õre Pedea

² Ara mãɨne mɨ Tachi Ak'õre Jaorede beek'ari, suak'a beeparí auk'ará bɨt'a pajãne unusima. Mãɨ ɨ̃rɨ aba suak'abari basima.

Apocalipsi 4:2 Iomraidhean Croise

Mateo 22:43

Mãɨne Jesupa idisima: —Mãɨya bɨpɨra, Davipa ¿k'ãre k'orea Tachi Ak'õre Jaoredepa ichi mɨ Chipariade asima? Davipa nãɨya jarasima nãɨ bɨdade:

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

Apocalipsi 1:10

Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.

Apocalipsi 12:5

Mãɨne wẽrapa ɨmɨk'ĩra warra t'õsima. (Mãɨ warrapa ichi jua chaareadepa jõma nãɨ ĩjũane berã́ ichi pedea oopiipɨ). Maamina jepa mii naena Tachi Ak'õrepa mãɨ warra ɨt'aa ateesima ichi suak'a beeparí auk'ará bɨde suak'abari bɨmá.

Apocalipsi 17:3

Ara mãɨne Tachi Ak'õre Jaoredepa bɨde Tachi Ak'õrepa ɨt'aripa peedapa mɨ ĩjũa pania newẽa bɨdea ateesima. Mãma mɨa unusima wẽra ãnimara mietá mãɨnepa p'urea bɨ ɨ̃rɨ suak'abari bɨt'a. Chi ãnimara k'ak'uade t'ɨ̃ miak'ãe bɨ basima. Mãɨpa Tachi Ak'õre k'orea k'achia pedea basima. Poro siete mãɨnepa k'achu diez uru basima.

Apocalipsi 19:4

Mãɨne chi veinticuatro chõarã mãɨnepa ẽpẽra jĩra k'ĩmari chok'ae p'anɨ sĩraporode bari k'op'aneesidama Tachi Ak'õre k'ɨ̃rianai k'orea. Tachi Ak'õre ichi suak'a beeparí auk'ará bɨde suak'abari bɨde ãchia nãɨya pia pedeasidama: «¡Mãɨya beese! ¡Tachi Chiparia pia pedeadai p'anɨma!»

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 21:10

Ara mãɨne Tachi Ak'õre Jaoredepa bɨde ichia mɨ eya minachia ɨt'ɨ bɨmá ateewãsima. Mãma unupisima Tachi Ak'õre p'uuru chiwidi Jerusalén apataɨ Tachi Ak'õre bɨmãɨpa pajãnepa edá cherut'a.

Apocalipsi 21:5

Maapae chi suak'a beeparí auk'ará bɨde suak'abari bɨpa nãɨya jarasima: «Mɨa ne ãarea chiwidi oo bɨma». Mãɨnepa nãɨya jarasima: «Chi mɨa jaramaa bɨt'a k'art'ade bɨse piarã pedea pẽra mãɨnepa mãɨne p'ue ĩjãanai p'anɨ pẽra».

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.

Apocalipsi 4:5

Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Apocalipsi 4:9

Chi Tachi Ak'õre ewaricha chok'ae bɨ chi ichi suak'a beeparí auk'ará bɨde suak'a bɨma. Ara mãɨne chi ẽpẽra jĩra chok'ae bepa jara p'anɨma ichi auk'ará bɨma, ichiá pia pedea p'anɨma mãɨnepa ichiá sõpia p'anɨane a p'anɨma. Mãɨ jarautacha chi chõarã 24 p'anɨpa Tachi Ak'õre naa sĩraporode k'op'aneenak'ari chi ewaricha chok'ae bɨa pia bɨade apatama. Ãchi poro jũra jɨ̃pataɨ wẽanak'ari chi suak'a beeparí auk'ará bɨ taade bɨdak'ari nãɨya jarapatama:

Apocalipsi 5:1

Mãɨnepa mɨa unusima ichi suak'a beeparí auk'ará bɨde suak'a bɨt'a ichi juaraari k'art'a porok'ok'oa pɨrada uru basima. Ara mãɨ k'art'a pɨrada k'ĩracha ne bɨ basima. Mãɨ k'ara bɨde eda k'ara basima k'araparí siete bɨdepa, abaɨ pida mãɨ ewapiemaapa.

Apocalipsi 5:13

Mãɨne mɨa ũrisima jõma Tachi Ak'õrepa ooda pajãne bepa, nãɨ ĩjũane bepa, piudaadarã jaorepa, p'usade be pida nãɨya k'ari p'anɨ: «Ãareaɨrãpa pia pedeadai p'anɨma ewaricha chi Tachi Ak'õre suak'a beeparide auk'ará bɨde suak'a bɨa mãɨnepa chi Oveja Chak'e k'edea. Chi atepe pia bɨade adai p'anɨma, minachia auk'ará bɨade adai p'anɨma, mãɨnepa ichi juade nejõma p'ue uru bait'a pia bɨade adai p'anɨma».

Apocalipsi 6:16

Nãɨya jarasidama: «Eya, mawara, tai ɨ̃rɨ baet'ɨ. Tai mẽrat'ɨ chi suak'a beeparí auk'ará bɨde suak'abari bɨa tai unupiemaapa, mãɨnepa chi Oveja Chak'ea ɨtɨapiemaapa.