Apocalipsi 22:12 - Tachi Ak'õre Pedea

¹² »¡Ũrit'ɨ, mɨ isapea cheipɨ! Cherude mɨa jõmãɨrã́ ne teade eneemeeipɨ ãchia oodada jĩra.

Apocalipsi 22:12 Iomraidhean Croise

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Romano 14:12

Piarã tachicha oodada Tachi Ak'õrea jõma jaradaipɨ.

1 Corintio 3:14

Tachia oodapa mãɨ t'ɨpɨ urua choasira Cristopa chi oo badá nepia teaipɨ.

1 Corintio 3:8

Chi ne uuparí mãɨnepa chi pania p'oparí sida Tachi Ak'õre k'ĩrari abarik'a p'anɨma. Ichia tachicha nepia teaipɨ, tachia oo p'anana jĩra.

Apocalipsi 11:18

Tuachapemarã pɨ ome k'ĩruusidama. Maamina pɨa ɨtɨai ewari chesima. Naapae pɨa piudaadarã ɨtɨaipɨ. Mãɨne chi pɨ pae pari mimiapataɨrã, chi pɨ pari pedeapataɨrã́, pɨ ẽpẽerã́, pɨ wap'ea be chi atepe berã́ mãɨnepa k'aepea berã́ pida pɨa nepia teaipɨ ãchia oodada jĩra. Maamina chi nãɨ ĩjũane nemietá oodada pɨa k'enaipɨ».

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Apocalipsi 20:12

Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.

Apocalipsi 22:20

Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.