Apocalipsi 21:3 - Tachi Ak'õre Pedea

³ Maapae mɨa ũrisima abaɨpa Tachi Ak'õre suak'a beeparí auk'ará bɨmãɨpa nãɨya jĩk'ua pedearut'a: «¡Ũrit'ɨ! Idi Tachi Ak'õre ẽpẽerã t'ãena bɨma. Ichi ãchi ome baipɨ. Mãɨne ãchi ichi ẽpẽerã p'ananaipɨ. Piarã ichit'a ãchi Ak'õre paipɨ mãɨnepa ãchi ome baipɨ.

Apocalipsi 21:3 Iomraidhean Croise

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

2 Corintio 6:18

Mɨ mãra Ak'õre paipɨ. Mãra mɨ warrarã padaipɨ mãɨnepa mɨ k'aurã padaipɨ. Tachi Chipari chi Ne Ãarea P'ue Bɨpa mãɨya jara bɨma».

1 Tesalonicense 3:11

Taipa Tachi Ak'õrea mãɨnepa Tachi Chipari Jesua ɨt'aa chiidi p'anɨma tai mãramá mãicha wãpidamẽrá.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.

Hebreo 8:2

mãɨnepa chi Pajãne Tachi Ak'õre tede eda mimiaparima. Mãɨ chi piarãpẽa te ãnimara e oodapɨ. Ẽpẽrapa mãɨ ooé pasima, mãɨpari Tachi Chiparipa mãɨ oosima.

Apocalipsi 10:4

Pa bari k'ak'o siete baek'ari mãɨ pa baedapa jaradat'a mɨa k'art'ade bɨi pasima. Mãɨne pajãne mɨa pedea ũrisima nãɨya jara bɨt'a: «Pa baedapa bari k'ak'o siete jarada mẽra uru base. Mãɨ k'art'ade bɨrãse».

Apocalipsi 10:8

Maapae chi pajãne pedea mɨa naena ũrinapa mãicha nãɨya jarasima: «Chi Tachi Ak'õrepa ɨt'aripa peeda jĩru aba p'usade mãɨnepa jĩru aba ĩjũane t'ɨa nɨbɨpa k'art'a chak'e ichi juade ewa uru bɨ atade wãse».

Apocalipsi 12:10

Mãɨne mɨa ũrisima aba chi pajãne jĩk'ua pedeamaa bɨt'a. Mãɨpa nãɨya jarasima: «Idi Tachi Ak'õrepa ichi ẽpẽerãt'a k'aripamaa bɨma. Idi ichi jua chaareadepa jõmãɨrã chipari baipɨ mãɨnepa ichidirã ichi juade baipɨ. Cristo ichia Tachi K'aripaparí teai jaradapa ãarea p'ueipɨ. Chi tachi ũpẽarã k'orea nemietá pedeaparit'a pajãnepa nãɨ ĩjũanea bat'a peesima. Ichia ãst'á mãɨnepa teamasi Tachi Ak'õre k'ĩrari tachi ũpẽarã k'orea nemietá pedeapachima.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.

Apocalipsi 22:3

Chi Tachi Ak'õrepa mietá bayade a badat'a chi p'uurude nea baipɨ. Tachi Ak'õre mãɨnepa chi Oveja Chak'e suak'a beeparí auk'ará bɨ chi p'uurude baipɨ. Mãma chi Tachi Ak'õre pae pari mimiapataɨrãpa ichiá pia pedeadaipɨ.

Apocalipsi 7:15

Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.