Apocalipsi 2:3 - Tachi Ak'õre Pedea

³ Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.

Apocalipsi 2:3 Iomraidhean Croise

Marco 15:21

Jesú p'uuru awara ateewãsidaɨde ẽpẽra Simón apataɨ Jerusalenea cheru pasima. Alejandro mãɨnepa Rup'o ak'õre pasima. Ichi Cirene p'uurudepema pasima. Chi papaká berãpa mãɨ ẽpẽrá Jesú k'urusu uapisidama.

Luca 14:27

Minachia mĩa bai k'orea bɨwẽpɨra, mɨ ome p'ue nipaiwẽma.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Luca 21:19

Mãɨ k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ.

Luca 5:5

Maamina Simonpa p'anoosima: —Jarateaparí, tai teamasi to bat'a p'anɨ ewarisidama. Maamina mi ãpia pida peadaé pasima. Maamina pɨa mãɨya jara bɨẽra ooipɨ.

Luca 8:15

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Romano 16:12

Ũpẽawẽra Trip'enoa mãɨnepa Trip'osoa pia p'anapade a jara peet'ɨ. Ãchia Tachi Chipari pae pia oo p'anɨma. Mãɨnepa ũpẽawẽra Persidoa abarik'a jarat'ɨ. Ichia pida Tachi Chipari pae pia oo bɨma.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 8:25

Maamina chi tachia nɨ p'anɨt'a waidi nea p'anɨ pẽra jõma choa p'anɨnepa k'awa p'anɨma piarã atadaipɨ.

1 Corintio 13:7

Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.

1 Corintio 16:16

Mɨa mãrá chichupuria idiruma ãchi mãɨnepa jõma ãchi jĩra berã ũrinamẽrá. Jõma Tachi Ak'õre oo bɨt'a oopataɨrã ũrit'ɨ mãɨnepa chi ũpẽarã k'aripa berã ũrit'ɨ.

2 Corintio 10:15

Waapẽarãpa oodada k'orea ara tai k'orea pia pedeadak'ama ara taipa oodada jĩra. Mãɨpari taipa k'ɨ̃ria p'anɨma mãrapa Cristode pia ĩjãanait'a. Mãɨya taipa mãra tuade p'ue pia jarateadaipɨ ara Tachi Ak'õrepa oopi bɨ jĩra.

2 Corintio 11:23

Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

2 Corintio 5:9

Mãɨ k'orea nãɨ k'ak'uade p'anɨne wa piusidara, tachia jõma oo k'ɨ̃ria p'anɨma Tachi Ak'õrepa pia unumẽrá.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Tesalonicense 5:12

Mãɨ awara ũpẽarã, taipa chichupuria idi p'anɨma chi ũpẽarãpa mãra t'ãena chi Tachi Ak'õrepa oo bɨt'a oopataɨrã minachia wap'eadamẽrá. Ãchia Tachi Chipari Jesucristodepa mãɨnepa ãchi jua chaareadepa mãra ak'ɨpatama. Mãra sãmaasã́ nipadai p'anɨ jarateapatama.

2 Tesalonicense 3:13

Maamina ũpẽarã, pia oo p'anɨnepa sẽrãt'ɨ.

2 Tesalonicense 3:5

Taipa k'ɨ̃ria p'anɨma Tachi Chiparipa k'awapimẽrá mãra k'ɨ̃ria bɨt'a. Mãɨnepa k'ɨ̃ria p'anɨma ichia mãra k'aripamẽrá Cristopa choada jĩra choadamẽrá.

2 Tesalonicense 3:8

Taipa mãrané pari k'odaé pasima, mãɨpari ãst'á mãɨnepa teamasi ɨ̃apaadawẽa ne awara mimia p'anasidama mãranepema abaɨ pida taiyá ne pari teapiemaapa.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

1 Timoteo 5:17

Ũpẽarãpa chi ũpẽarã ak'ɨpataɨrãpa pia oo p'anɨnepa ũpẽarã k'ɨ̃risia piadepa ãchi k'aripadai p'anɨma, ne uru p'ananamẽrá, pia oo p'anɨẽra. Mãɨnepema chi Tachi Ak'õre pedea jarateapataɨrã mãɨnepa tachi sãmaasã́ nipadai k'orea jarateapataɨrã atepe k'aripadai p'anɨma.

Hebreo 10:36

Mãrapa ãarea choadai p'anɨma. Mãɨya chi Tachi Ak'õrepa k'ɨ̃ria bɨt'a oodak'ari ichia teai jarada ãarea jitadaipɨ.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

Hebreo 6:15

Abrahanpa choa bɨdepa nɨ bak'ari Tachi Ak'õrepa warra teai jarada unusima.

2 Pedro 1:6

k'ɨ̃risia k'awaa p'anɨne mãra k'ak'ua jĩp'a uru p'ananai k'orea jɨrɨt'ɨ; mãra k'ak'ua jĩp'a uru p'anɨne jõma choadai k'orea jɨrɨt'ɨ; jõma choa p'anɨne Tachi Ak'õrepa k'ɨ̃ria bɨ jĩra p'ananai k'orea jɨrɨt'ɨ;

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.