Apocalipsi 2:2 - Tachi Ak'õre Pedea

² »Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.

Apocalipsi 2:2 Iomraidhean Croise

Mateo 7:23

Mãɨne mɨa piarã jararuma: “Mietá oopataɨrã, ãyá wãt'ɨ. Mɨa mãra unuk'ama”.

Juan 6:6

Jesupa k'ãre ooit'a k'awa basima. Mãɨneepuru mãɨya jarasima P'elipepa sak'á p'anooi k'awa.

Gálata 1:7

Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

Ep'esio 4:14

Mãɨyara waa warra chak'e jĩra p'ananaiwẽma. Warra chak'epa paritua pedeauta ĩjãaparima. Mãɨ awara ẽpẽrarã sea k'awa berãpa jaratea p'anɨnepa seade ĩjãapipatama nãupa japa ãyá ateeru jĩra. Maamina tachi mãɨ japa jĩra p'ananaiwẽma.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.

Apocalipsi 2:5

Mãɨpuru mãrapa naa k'ɨ̃ria uru p'anana mãɨne k'ɨ̃risiat'ɨ. Mãicha Tachi Ak'õremá chet'ɨ. Nepia oot'ɨ naena mãrapa oopachida jĩra. Mãra mãicha Tachi Ak'õremá chedaepɨra, mɨa mãra ɨtɨade wãipɨ. Mãɨne mãra ĩpira ãyá bɨipɨ.

Apocalipsi 2:6

Maamina nãɨ pia oo p'anɨma: chi Nicolade ĩjãa bepa piawẽa oopatat'a mãrapa k'ɨ̃rianak'ama. Mɨa pida k'ɨ̃riak'ama.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 3:1

»Chi Sardi p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'a nãɨya bɨse: »Chi Tachi Ak'õre k'ĩrari jaore siete uru bɨpa mãɨnepa k'ãk'ãi siete uru bɨpa nãɨya jara bɨma: »Mãrapa oo p'anɨt'a mɨa k'awa bɨma. Ẽpẽerãpa jara p'anɨma mãrapa Tachi Ak'õre minachia ĩjãa p'anɨ pẽra chok'ae bet'a. Maamina piarã ara mãrapa Tachi Ak'õrene ĩjãanawẽa p'anɨ pẽra chi piudaadarãpɨ.

Apocalipsi 3:15

»Mãrapa oo p'anɨt'a mɨa k'awa bɨma. Mɨ itu bɨdawẽa p'anɨma maamina mãra sõnepa mɨ ome wãnawẽa p'anɨma. Mãɨya pania k'õresã́ jĩra p'anɨwẽma mãɨnepa pania wãsia jĩra p'anɨwẽma. Sõnepa piarã k'aade wãnaepɨra, mɨmá pia bai pasima mɨ ome nipadaiwẽt'a.

Apocalipsi 3:8

Nãɨya jara bɨma: »Mãrapa oo p'anɨt'a mɨa k'awa bɨma. ¡Ũrit'ɨ! Eda wãpataɨ mɨa mãra naa ewa nɨbɨsima. Mãɨ abaɨ pida p'ue serraiwẽma. Mãra ãpia chaareawẽa p'anɨmina mɨ pedea minachia ĩjãa p'anɨma. Mɨ itu bɨdawẽa p'anɨma.