Apocalipsi 12:3 - Tachi Ak'õre Pedea

³ Maapae mãicha pajãne ne jara k'ɨ̃ria bet'a unupisima. Mɨa je p'urea minachia bɨt'a unusima. Mãɨ jepa poro siete uru basima mãɨnepa k'achu diez uru basima. Poro jũra jɨ̃parí porocha jɨ̃ basima.

Apocalipsi 12:3 Iomraidhean Croise

Apocalipsi 12:1

Pajãne ne jara k'ɨ̃ria bet'a unupisima. Mɨa unusima wẽrapa ɨmata p'aru jĩra jɨ̃ bɨt'a. Nãɨ wẽra k'ĩra awara bɨma chi Babilonianepema wẽra k'achia bɨ ome. Jedek'o ichi jĩru ek'ari basima. Poro jũra jɨ̃parí k'ãk'ãi k'ak'o doce ooda jɨ̃ basima.

Apocalipsi 12:13

Chi jepa ichi nãɨ ĩjũane amaasit'a k'awasi pẽra, chi wẽra ẽp'ẽsima chi warra t'õna pada chi mãɨ nemietá ooyá.

Apocalipsi 12:17

Mãɨpuru chi je minachia k'ĩruusima chi wẽra ome. Ara mãɨne chi wẽranepa chedaadarã ome k'ĩruune wãsima. Mãɨ chedaadarã chi Tachi Ak'õrepa oopi bɨ pedea oopataɨrãpɨ, mãɨnepa chi Jesucristopa jarateadade ĩjãapataɨrãpɨ.

Apocalipsi 12:4

Ichi tu jĩnap'et'aside k'ãk'ãi perá estarik'a pajãnepa nãɨ ĩjũanea baepisima. Mãɨ je wẽra warra t'õi k'orea bɨmá bai nɨbeesima warra chak'e t'õrune mii k'orea.

Apocalipsi 12:7

Mãɨya nak'ari Tachi Ak'õrepa ɨt'aripa peeda chi atepe bɨ Miguel apataɨpa chi ichi ome p'anɨrãpa chi je ome pajãne k'ĩruu p'anasima. Mãɨnepa chi jederã paara k'ĩruu p'anasima.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 13:1

Mãɨya nak'ari chi je chi p'usa ipude bai nɨbeesima. Mãɨne ãnimara mietá chi p'usadepa ochiarut'a mɨa unusima. Mãɨ ãnimara chi poro siete mãɨnepa chi k'achu diez uru basima. Chi k'achucha porode jũra jɨ̃pataɨ uru basima. Chi porocha t'ɨ̃ k'achia Tachi Ak'õre k'orea bɨ basima.

Apocalipsi 13:2

Mãɨ ãnimara mɨa ununa imama jĩra t'ɨt'ɨdɨa basima. Ichi jĩru ui jĩru jĩra basima. Ichi it'ae imama it'ae jĩra basima. Chi jepa mãɨ ãnimara chi nãɨ ĩjũa chipari jĩra papisima. Mãɨnepa ichi suak'a beeparí auk'ará bɨde suak'abari beepisima, chi nãɨ ĩjũane be ichi juade p'ue uru bamẽrá.

Apocalipsi 13:4

Mãɨne ãchia chi je miak'ãe k'ɨ̃riapachidama, ichi jua chaarea chi ãnimará teada pẽra. Mãɨnepa chi ãnimara k'ɨ̃riapachidama. Nãɨya jarapachidama: «¿K'ai jãɨ ãnimara jĩra p'anɨma? ¿K'ai jãɨ ome k'ĩruuima?»

Apocalipsi 15:1

Mɨa mãicha pajãne ne jara k'ɨ̃ria bet'a unusima. Mãɨnepa chi ẽpẽerã chi mãɨya k'awa k'ɨ̃risiadawẽa p'aneesidama. Pajãne chi Tachi Ak'õrepa ɨt'aripa peedaɨrã siete p'anasidama. Ãchi k'ak'awá ne uru p'anasidama chi ẽpẽerã mĩapidai k'orea. Tachi Ak'õrepa mãɨya ɨtɨak'ari maapae ichi k'ĩruui pada jõma jõipɨ.

Apocalipsi 16:13

Mãɨnepa mɨa jaore ũpea mietá tobio jĩra bet'a unusima. Abaɨ chi je it'aedepa ochiasima. Ya abaɨ ãnimara it'aedepa ochiasima. Mãɨnepa abaɨ ochiasima chi piarã Tachi Ak'õre pari pedeapariwẽ it'aedepa.

Apocalipsi 17:12

»Chi pɨa k'achu diez ununa jara k'ɨ̃ria bɨma poro jũra jɨ̃parí jɨ̃ p'anɨrã diez p'anɨt'a. Ãchi waidi poro jũra jɨ̃parí jɨ̃ p'anɨrã padawẽma. Maamina chi ãnimara mietá bɨ poro jũra jɨ̃parí jɨ̃ bɨ parude ãchi sida poro jũra jɨ̃parí jɨ̃ p'anɨrã padaipɨ. Maamina tãaraanaiwẽma.

Apocalipsi 17:16

Chi pɨa diez k'achu ununapa mãɨnepa chi ãnimara mietá bɨpa mãɨ wẽra k'achia bɨ unuamaanaipɨ. Mãɨpuru jõma ichia uru bɨt'a ẽemarinaipɨ. Ãarea ãk'adá bɨdaipɨ. Ãchia ara chi wẽra k'ak'ua k'odaipɨ mãɨnepa paa peedaipɨ.

Apocalipsi 17:7

Mãɨne Tachi Ak'õrepa ɨt'aripa peedapa mɨá nãɨya idisima: «¿K'ãre k'orea k'awa k'ɨ̃risiawẽa bɨma? Mãɨ wẽra k'orea tachia ũrii p'anɨt'a mãɨnepa chi ãnimara mietá bɨ chi mãɨ ɨ̃rɨ suak'abari bɨ k'orea mɨa k'awapiipɨ. Ichiaba chi ãnimara poro siete uru bɨ mãɨnepa k'achu diez uru bɨ k'orea k'awapiipɨ.

Apocalipsi 19:12

Ichi tau t'ɨpɨ jĩra urua basima. Poro jũra jɨ̃parí minachia jɨ̃ basima. Ichi porode t'ɨ̃ bɨ uru basima maamina abaɨ pida mãɨ t'ɨ̃ k'awaé pasima; ichiapuru mãɨ k'awa basima.

Apocalipsi 20:2

Chi je jitak'ari mil ãyo jɨ̃ nɨbɨsima. Mãɨ je chi chõarãenapema taamapɨ. Tiore mãɨnepa Tiore apatama.